Алматыда автобус өртеніп кетті (фото)
Алматыда автобус өртке оранды, деп хабарлайды Stan.kz ақпарат агенттігі.
Өрттің шыққанын көрген қала тұрғындары фотолар мен видеоларды әлеуметтік желілерге жүктей бастаған. Өртке қатысты қалалық төтенше жағдайлар департаменті пікір білдірді.
"Медеу ауданында Әл-Фараби көшесінен төменірек Назарбаев көшесінің бойында жолаушы автобусы болуы керек", - дейді департаменттің баспасөз қызметі.
4 маусымда сағат 14: 47-де куәгерден автобустың өртенгені туралы хабарлама келіп түскен. Автобуста адам болмағаны белгілі болды. 5 минуттан кейін оқиға орнына келген төтенше жағдайлар департаментінің өрт сөндірушілері 2014 жылғы Yutong автобусы өртенді деп хабарлады.
"Өрт жарнама билбордына өтіп кеткен. Өртті сөндіру үшін Purga2 көбік шығаратын бөшке дереу шығарылды, көбік құрамы GIRS400 қолмен тасымалданатын қондырғыны қолдана отырып, мотоцикл бригадасынан жеткізілді, сондай-ақ жақын орналасқан ғимараттың салқындауы мен қорғалуы үшін сандықтар да берілді", - дейді баспасөз қызметі.
Өрт 15 минут ішінде сөндірілген. Алайда, автобу жүргізушісі өрт салдарынан бір қолын күйгізіп алды. Автобустың жанармай жүйесінде газ орнатылғандықтан өрттің шығуына басты себепкер сол болуы мүмкін.
"Қабылданған шаралар бойынша өрт алғашқы өрт сөндіру топтары келген сәттен бастап 15 минутта сөндіріліп, сағат15:00 де толықтай жойылды. Өрт салдарынан жүргізуші оң қолын күйік шалған. Ол ауруханаға жатудан бас тартты. Өртті сөндіруге 12 адам жұмылдырылды. Олардың ішінде 2 өрт сөндіргіш машина және 2 мотоцикл бригадасы", - деп хабарлайды төтенше жағдайлар департаменті.