"Әділдік туралы сөз қозғау мүмкін емес": Дужновтың әйелі сот шешіміне қарсы шықты

Бүгін Алматы соты Игорь Дужновты бес адамды өлтірді деп танып, өмір бойына бас бостандығынан айырды. Дужновтың туыстары сот үкіміне апелляциялық шағым түсірмекші, деп хабарлайды Stan.kz ақпарат агенттігі “Информбюро” сайтына сілтеме жасап.

"Үкімге шағымданамыз. Бірінші инстанцияның үкімі күтілуде. Бұл жерде әділдік туралы сөз қозғау мүмкін емес. Мүмкін Игорь өзін қорғаудың шегінен асып кеткені үшін кінәлі шығар, мүмкін кінәлі емес", - деді сотталушының әйелі Анаида Демирчян.

• Бірнеше бап бойынша кінәлі деп тапқан: Алматы соты Дужновтың неліктен ауыр жазаға тартылғанын түсіндірді


• "Банк үлкен алаяқтық жасады": Игорь Дужнов бес адамды қалай өлтіргенін айтып берді

Отбасы әлі күнге қайғылы оқиға болған үйде тұрып жатыр. Анаида Демирчян бұл баспанадан шықпайтындарын баса айтты.

"Үйдегі азаматтық істер қазірдің өзінде жүріп жатыр. Құзырлы органдар тағы да көшір бұйрығын шығармақшы, болған жағдай оларға сабақ болмаған сияқты. Сондықтан сатып алушының туыстары мен банк маған шабуыл жасап жатыр, олар осылайша үйімізді иемденгісі келеді. Мен өз мүлкімді қалай болса да қорғаймын", - деп қосты ол.

Еске салсақ, сот шешімі бойынша Игорь Дужнов өмір бойына бас бостандығынан айырылды.