Адам суицидке жанын ауыртқан адамды жазалау үшін барады — психоаналитик

Жанды ауыртқан үлкен жара, үлкен шарасыздық, үмітсіздік, дәрменсіздік. Жараның терең болатыны соншалық, адам өмірмен қош айтысуды жөн көреді. Бұған себеп көп болуы мүмкін. Яғни адам осы жан-жарасын емдеп жаза алатынына үміті жоғалған кезде осындай қадамға барады. Осылай деп түсіндірді психоаналитик Анна Құдиярова балалар мен ересектердің суицид жасауының себебін Stan.kz тілшісіне берген сұхбатында. 

Анна ҚұдияроваСурет: Владимир Третьяков

«Ең алдымен «Бұл адам неге мұндай қадамға барды? Неге ол кенеттен саналы түрде өмірімен қош айтысып жатыр?» деген сұрақ туындайды. Өйткені суицид әдеттегі өлімнен осынысымен ерекшеленеді. Адам өз өмірінен ерікті түрде бас тартып отыр. Кейде адамдар, әсіресе, балалар, жасөспірімдер, жас қыздар, жігіттер өмірімен қош айтысу үшін емес, белгілі біреуге қарсылық танытып, бірінші кезекте ата-анасының еркіне қарсы тұру үшін жасайды. Мысалы, саясатты алайық. Адам алаңда тұрып өзін өртеп жіберіп жатады. Бұл – мемлекет пен билікке деген қарсылықтың астарында сол ертедегі ата-анаға ыза жатуы мүмкін. Нақты себеп әртүрлі болады. Оны сол адамның тарихын терең зерттеу арқылы ғана табуға болады», - деді маман. 

Әрі қарай Анна Құдиярова суицидті адам өзінің жанын ауыртқан жандарды жазалау үшін де жасайтынын айтты. Алайда кейде өлемін деп қорқытпақ болатын жасөспірімдер күтпеген жерден көз жұмып жатады. Яғни олар суицид жасауға ұмтылудың қаншалықты қауіпті екенін ескере бермейді. 

«Сіздің туған балаңыз тыныс ала алмай, өліп жатыр делік. Осы сәтте кез келген жаны бар адамның қатты қиналатыны сөзсіз. Балаңызды құтқарып қалу үшін сіз бәріне барасыз. Бірақ жасөспірімдер суицид жасауға ұмтылу, расымен де, өмірмен қош айтысуға алып келуі мүмкін екенін біле бермейді. Олар ойын мен нағыз суицид арасындағы ара-жікті ажырата алмайды.

Тағы оқыңыз >>> Анна Құдиярова: Қыз бала анасымен қарым-қатынасын дұрыстаған кезде ғана сүйіктісін жолықтырады

Сол кезде ата-аналарға «Сіздер балаларыңызға қатысты мәселелерде дана шешім қабылдап, оларды махаббатқа бөлей алдыңыздар ма?» деп сұрайтын едім. Балаларыңызбен қалай түсінісесіздер? Бәлкім арада түсінісу деген жоқ шығар? Түсіністік бар дегеннің өзінде ол терең емес болуы мүмкін», - деді Орталық Азиядағы психоанализ институтының директоры Анна Құдиярова. 

Мұнымен қатар, психоаналитик маман ата-аналардың «Баламның қарны тоқ, киімі бүтін болса болды» деп ойлайтынын бөлісті. Айтуынша, адам жануарлар әлемінен жаны, ғылым тілінде айтқанда – психикасының болуымен ерекшеленеді. Адамның жаны ауырған кезде ол өзіне қалай да назар аудартқысы келеді. 

«Бәлкім осы сұхбаттан кейін көп адам «Шын мәнінде, қарым-қатынасымыз қандай болды? Оны қалай жақсарта түсуге болады» деп ойланатын шығар. Терең түсіністік бар жерде қалай болғанда да, тіпті, тоңазытқыш бос тұрып, анасы баласын сынаса да, суицидке орын болмайды. Ал суицид қарым-қатынастағы сызатты көрсетеді. Егер суицидке ерлі-зайыптылардың бірі барса да, себебі тура осындай.

Олардың арасында өзара түсіністік жоқ деген сөз. Түсінісе алмағандықтан, олардың біреуі суицид жасайды. Біз, психоаналитиктер, әрдайым тұлғаны қолдаймыз. Біз әрдайым жаны қиналып, көмек сұрап келген адамды жақтаймыз. Тіпті, ата-анасы немесе туыстары, көршілері ол адамды «жаман» деп сипаттаса да», - дейді Анна Құдиярова. 

Тағы оқыңыз >>> Психоаналитик: Әйел ананың рөлін сомдаса, күйеуі көңілдес іздей бастайды

Сөз соңында психоаналитик маман суицид жасаудың табиғат заңына қарсылық екеніне тоқталды. 

«Біреу Құдайға сенсе, екіншісі табиғатқа сенеді. Ал табиғат та, Құдай да бізді өзімізді өлтіру үшін жаратқан жоқ. Сіз өмір сүру үшін келдіңіз. Тіпті, саясаттың өзінде «лас дүниелер» орын алмайтын жол бар деп білемін. Неге адам саясат үшін, басқа үшін өмірін қияды? Егер себеп осындай болып жатса, онда «Бұл адамның психологиялық ауытқушылығы қандай дәрежеде?» деген сауал туындайды», - деп аяқтады сөзін психоаналитик. 

Естеріңізге сала кетсек, 16 қыркүйек күні әнші Жанар Хамитованың өзіне қол салып көз жұмған болатын. 

Талқылау
Пікір
Соңғы ЖАҢАЛЫҚТАР

Арыс қаласындағы балаларға қайырымдылықтан түскен 32 млн теңгеге сый жасалды

Ұлдарға ағаш пен метал жонитын құрал, қыз балаларға тігін машиналары табысталды

Химиялық кастрация жасайды: Қаратаудағы 9 жасар баланы өлтірген педофил өмір бойына сотталды

Қылмыскер бүлдіршіннің денесін өртеп, велосипедпен әкетіп бара жатқаны камераға түсіп қалған

Қазақстанда жүргізуші куәлігінің жаңа түрі қашан беріледі

Жүргізуші куәліктері мен көлік құралдарын тіркеу куәліктерін өзгерту қажет пе?

Алматыдағы мектеп жанында жеті жасар қызды қағып қашып кетті

Қызды жедел жәрдем бригадасы шұғыл көмек орталығына алып кетті

Елімізде жоқ облыс атында 1,3 млрд теңге қарыз бары белгілі болды

Есеп комитетінің басшысы мәселені шешу үшін жұмыс тобын құруды ұсынды

"Фабрика" тобының бұрынғы әншісі ислам дінін қабылдап, ауылда тұрып жатыр

Әпкесі әншінің өз еркімен және саналы түрде мұсылман әйел болғанын айтады

Ерке Есмаханның пластикалық отаға жүгінгені рас па

Диас Аблаев: Жанынан қарағанда тіпті жаман көрінеді

Марат Достаев: Қайрат Әділгерей көп сөйлемесінші

КВН түлектері мен кәсіби актерлер арасында тағы да тартыс басталды

Хакерлер Android бағдарламалы смартфондарға құлаққап арқылы да шабуылдай алады

20 елдің жоғары лауазымды тұлғалары хакерлік шабуылдың құрбаны болды

Мәрлен Айнабеков «Охотзопром» басшысы болып тағайындалды

Ол орман шаруашылығы және жануарлар дүниесі комитеті төрағасының орынбасары қызметін атқарды
Çàãðóçêà...