Соңғы жаңалықтар

42500 теңге туралы жалған мәліметтер үшін жауапкершілік қарастырылған - Еңбек министрлігі

Еңбек және халықты әлеуметтік қорғау министрінің орынбасары Нариман Мұқышев төтенше жағдай кезінде 42 500 теңге көлемінде әлеуметтік жәрдемақы алу үшін жалған ақпарат бергендер жауапкершілікке тартылатынын ескертті, деп хабарлайды Stan.kz ақпарат агенттігі.

"Өкінішке қарай, табысы жақсы адамдар жүгінетін жағдайлар бар, бэк-офис деңгейінде біз барлық мәліметтерді салыстырамыз және тексереміз, тек табысты жоғалтқан адамдар ғана жүгінуі тиіс. Жалған деректерді ұсыну үшін жауапкершілік қарастырылған. Бұл көмекті тек оған мұқтаж адамдар ғана ала алады", - деп атап өтті Мұқышев.

Ол 42 500 теңге алуға өтінім беру механизмі туралы еске салды.

Төтенше жағдайға байланысты 42 500 теңге мөлшерінде табыстан айрылу бойынша әлеуметтік төлем алуға келесілер арқылы өтініш беруге болады:

  1. egov.kz (бір мезгілде 35 мың адам өтінім бере алады);
  2. 42500.enbek.kz (бір мезгілде 30 мың адам өтінім бере алады).  

"Электрондық үкімет" сайтында "электрондық өтініштер" нысаны арқылы өтініш беру жойылды.

Сонымен қатар, әлеуметтік төлемдерді жүзеге асыру ережелерінің жаңа редакциясына сәйкес нысандарды толтыру және өтінішке қоса беру қажеттілігі алынып тасталады.

Egov.kz немесе 42500.enbek.kz сайтына жүгіну үшін басты бетте "ТЖ кезеңіне 42 500 теңге төлеу" таңдау, бір реттік пароль көмегімен авторлану, нысанды толтыру, "дербес деректерді жинауға және өңдеуге келісемін" жанына белгі қою, "бұдан әрі" батырмасын басу қажет.

"Сондай-ақ, бүгінгі таңда ондаған мың қазақстандыққа 1414-дан әлеуметтік төлем  тағайындалғаны туралы СМС-хабарлама жіберілген. Яғни, бұл азаматтарға өтінім берудің қажеті жоқ", - деді ол.

Вице-министр сондай-ақ қаражат кез келген банк шоттарына аударылуы мүмкін екендігін түсіндірді.

"Бұл кез келген шот болуы мүмкін, арнайы шот міндетті емес. Егер сізде кез келген банктің картасы болса, оны пайдалануға болады. Қазір кейбір банктер мен Қазпоштада кезек байқалуда. Тағы да айтамын, кез келген карта болған жағдайда жаңа шот ашу қажет емес", - деді Мұқышев.

"Өтініштерді қабылдау тек осы сайттарда жүргізіледі, ал тағайындау туралы СМС тек 1414-ден келеді, қалғаны жалған болып есептеледі! Қазір, өкінішке қарай, жалған ақпарат беріліп жатыр, ресми деректерге ғана сенуді сұраймын", - деді ол.

Талқылау
Пікір
Қазір оқып жатыр
Çàãðóçêà...
Қазір оқып жатыр