2023 жылдың басты түсі аталды
Pantone халықаралық зерттеу институты 2023 жылдың басты түсін жариялады. Тиісті материал компанияның сайтында жарияланған, деп хабарлайды Stan.kz ақпарат агенттігі.
Жылдың түсі Pantone 18-1750 Viva Magenta болды – күлгін астары бар таңқурай түсті қызыл реңк. Компания қызметкерлері кармин деп аталатын табиғи бояудан шабыт алып, жаңа реңк жасады. Оны аналық кошиниль қоңыздары (бояуы алынатын құрт-құмырсқа) жасайтыны атап өтілген.
Pantone Түстер институтының директоры Лэтрис Эйшманның айтуынша, бұл түс өмірге деген құштарлықты білдіреді.
"Viva Magenta біздің ішкі күшімізді нығайтуға көмектеседі және жоғары технологиялар әлемінде табиғатпен қайта байланысады", — деді Pantone түстер институтының атқарушы директоры Лэтрис Эйшман.
Сонымен бірге ол бұл түс бүліктің символы екенін атап өтті.
"Батыл, тапқыр және жан-жақты, Pantone 18-1750 Viva Magenta барлығын бірдей бүлікшіл рухпен қарсы алады", - деп қосты Эйшман.
Pantone 2022 жылдың басты түсі ретінде Pantone 17-3938 Very Peri таңдаған. Ол – қызыл-күлгін астары бар көк реңк.
Pantone 2000 жылдан бастап басты түсті таңдайды. ХХ ғасырдың ортасында компания цифрлық индикацияны қолданатын стандартталған түсті сәйкестендіру жүйесін жасады. Түстердің үлгілері арнайы каталогтарда үнемі шығарылады.