Шымкентте 500 адам жүргізуші куәлігін заңсыз сатып алған
Фото: kolesa.kz
Шымкентте жүргізуші куәліктерін сатумен айналысқан қылмыстық топ анықталды. Бұл туралы Stan.kz ақпарат агенттігі хабарлайды.
Шымкент прокуратурасының мәліметінше, 2023–2024 жылдары "Азаматтарға арналған үкімет" корпорациясының №2 мамандандырылған ХҚКО басшылығы мен қызметкерлері теориялық және практикалық емтихандарсыз жүргізуші куәліктерін берумен айналысып келген.
Мұндай "қызметтің" құны 150 мыңнан 400 мың теңгеге дейін жеткен.
“Нәтижесінде кемінде 500 адам жүргізуші куәлігін заңсыз алған. Қылмыстық топтың табысы 150 миллион теңгеден асқан. Тергеу барысында күдіктілердің 200 миллион теңгеден астам мүлкіне тыйым салынды”, – делінген хабарламада.
Іс бойынша 15 адам күдікті деп танылған. Тергеу аяқталып, материалдар сотқа жолданды.
"Жүрегіне салынған имплант түсіп кеткен": Алматыда сәтсіз отаның кесірінен 20 жастағы жігіт жансақтау бөліміне түскен
Науқас жансақтау бөліміне түсіп қалған
Таиландқа демалуға барған қазақстандық әйел босанып қалған: Баласының еміне күніне 740 мың теңге қажет
Назира: Дәрігерлер өмірінің алғашқы күндерінен бастап инфекция бар екенін растады