"Жел, бұршақ пен жаңбыр": Алдағы күндері елімізде қандай ауа райы болжануда

Қазгидромет еліміз бойынша 28-30 мамырға арналған ауа райы болжамын жариялады. Алдағы күндері ел аумағында ауа райы құбылмалы болады. Бұл туралы Stan.kz ақпарат агенттігі хабарлайды.

Синоптиктердің болжамынша, мамыр айының соңғы күндері республика аумағында ауа райы құбылмалы болады. Қазақстанның басым бөлігінде солтүстік-батыс циклоны мен оған байланысты атмосфералық фронттардың әсерінен жаңбыр жауып, найзағай ойнайды.

Батыс және солтүстік-батыс өңірлерде бүкіл кезең бойы, 28 мамырда оңтүстік, оңтүстік-шығыс және орталық аймақтарда, ал 28-29 мамыр күндері солтүстік пен шығыста қатты жаңбыр жауып, бұршақ түсіп, екпінді жел соғады. Республика бойынша желдің күшеюі күтіледі.

Оқыңыз

Қоқыс үйінділері қашықтықтан тексеріледі: Қазақстанда экологияға келтірілген зиян үшін жауапкершілік күшейтілмек Оқыңыз

 Күндізгі ауа температурасы:

• батыста 15-25 градус жылыға дейін төмендейді;
• кезеңнің басында солтүстік-батыста, солтүстікте және орталықта 17-25 градусқа дейін төмендеп, кезең соңында 20-33 градусқа дейін көтеріледі;
• шығыста 15-25 градустан 20-30 градус жылы аралығында құбылады;
• оңтүстік пен оңтүстік-шығыста кезең басында 20-28 градусқа дейін төмендеп, соңында 27-38 градусқа дейін көтеріледі.