Жамбыл облысында баланы ұрып тастаған тәрбиеші жұмысына қайта оралды
Жамбыл облысы Шақпақ-Ата ауылында бес жасар баланы ұрғаны үшін жұмыстан шығарылған тәрбиеші жұмысына оралды, деп хабарлайды Stan.kz ақпарат агенттігі "Еуразия бірінші арнасына" сілтеме жасап.
Ауыл тұрғындарының айтуынша, әйел балабақша директорының демалыста болғанын пайдаланып, директор міндетін атқарушыны өзін жұмысқа қайта алуға көндірген.
"Тәрбиешілер балаларды ұра берсе бола ма сонда? Оны жұмыстан шығарыңыз", – деп талап етті Шақпақ-Ата ауылының тұрғыны Гүлбахар Кесембаева.
"Ол бір баланы ұрды, басқа балаларды да ұрмайтынына кім кепіл?”, – дейді жергілікті тұрғындардың бірі Қалдыбек Қуанышбеков.
Бұл жағдайға балабақша директоры да ашулы. Ол өзінің беделіне нұқсан келді деп есептейді. Директор тіпті орынбасарын жұмыстан шығаруға шешім қабылдаған. Алайда мәселені аудандық білім басқармасы бақылауға алу керек.
Оқиғаның мән-жайын анықтау үшін Жуалы ауданында арнайы комиссия құру туралы шешім қабылданды.
Әл-Фараби атындағы Қазақ ұлттық университеті бір киіз үйді 13,5 миллион теңгеге сатып алған
Алайда дәл осы кезеңде Қазақстанның басқа өңірлерінде киіз үйлер әлдеқайда төмен бағамен сатып алынып жатыр
"Сап-сау баламды мүгедек қылып алдым": Қазақстандық әйелдің көзінше баласы азелит ішіп, өңешін күйдіріп алған
Бүгінде баланың асқазанына гастростома қойылған, өздігінен тамақтана алмай қалғанда ас тікелей асқазанға стома арқылы енгізіледі