Жаңаөзенде тұрмыстық химия өнімдері 500 теңгеге сатқанның соңы ұзын-сонар кезекке әкелді
Жаңаөзенде тұрмыстық химия заттары мен тауарлардың арзанға сатылуынан адамдар бір-бірін таптап кете жаздады. Бұл туралы Stan.kz ақпарат агенттігі Lada.kz сайтына сілтеме жасап хабарлайды.
14 тамызда дүкеннің кіреберісінде ондаған адам жиналып, ішке кіруге тырысқаны көрінеді. Әлеуметтік желі пайдаланушылары бұған тегін сыйлықтар немесе үлкен жеңілдіктер себеп болды деп болжады.
Полицияның хабарлауынша, көпшіліктің жиналуына "Тілекқабыл" дүкеніндегі сатылым себеп болған. Тұрмыстық химия заттары мен тұрмыстық тауарлардың бағасы 500-1000 теңгеге дейін төмендетілді.
Сатып алушылардың көптігі мен нашар ұйымдастырушылыққа байланысты кептеліс дүкеннің сыртында болды. Оқиға орнында полиция кезекшілік етті.
Жаңаөзен әкімдігі кәсіпкер жергілікті билік органдарына сатылым туралы алдын ала хабарламағанын мәлімдеді.
"Жаңаөзен әкімдігі Тілекқабыл бизнесінің иесіне мұндай іс-шараларды ұйымдастырудың белгіленген тәртібін, сондай-ақ болашақта осындай іс-шараларды өткізуге арналған қолданыстағы заңнаманың талаптарын сақтау бойынша түсіндіру жұмыстарын жүргізді", – деп хабарлады жергілікті билік.
Дүкен иесін жауапкершілікке тарту-таратпау туралы шешімді әкімдік қабылдайды.
