Ұлыбритания су тасқынына байланысты Қазақстанға көмектесуге дайын екенін мәлімдеді

Ұлыбританияның сыртқы істер жөніндегі мемлекеттік министрі Нусрат Гани су тасқынынан зардап шеккен Қазақстанға көмек көрсетуге дайын екенін айтты. Бұл туралы Stan.kz ақпарат агенттігі хабарлайды. 

Фото: Pixabay

Мұны шенеунік 15 сәуірде Twitter-де жазды.

"Қазақстанда жалғасып жатқан су тасқыны елдің солтүстігі мен батысындағы аймақтарды қиратты. Зардап шеккендердің барлығына, әсіресе эвакуациялауға мәжбүр болғандарға көңіл айтып, қолдау білдіреміз. Орталық Азия елдері климаттың өзгеруіне қарсы күресте алдыңғы қатарда. Ұлыбритания көмектесуге дайын", – деп жазды ол.

The ongoing flooding in Kazakhstan has devastated communities across the north and west of the country. My thoughts are with all who have been impacted, especially those who have had to evacuate.

The countries of Central Asia are on the front line of climate change. The UK…

— Nus Ghani MP (@Nus_Ghani) April 15, 2024

Еске салсақ, бұған дейін Канело су тасқынынан зардап шеккен қазақстандықтарға қолдау білдірген еді.

Айта кетсек, еліміздің 8 өңірінде су тасқынының беті қайтар емес. Тасқын салдарынан қауіпсіз жерге көшірілген тұрғындар саны 100 мыңнан асты.