"ХҚКО ішінен бірнеше кабинет жалға алған": Ақтөбеде шетелдіктерді заңсыз тіркеген қызметкерлер ұсталды
Ақтөбе облысында Халыққа қызмет көрсету орталығының ішінде заңсыз делдалдықпен айналысқан қызметкерлер ұсталды. Олар ақшаға шетелдіктерді жалған құжаттар арқылы тіркеп отырған. Бұл туралы Stan.kz ақпарат агенттігі хабарлайды.
Полицияның мәліметінше, 2 сәуір күні жедел іс-шаралар барысында Ақтөбе қаласындағы ХҚКО ғимаратында бір топ адамның қылмыстық әрекеті әшкереленген.
“Күдіктілер ХҚКО ішінде бірнеше кабинет жалға алған, ақшаға делдалдық қызмет көрсеткен, жалған құжаттарды пайдаланған. Негізгі қызметі шетел азаматтарын тіркеумен байланысты болған. Жедел ақпарат бойынша, заңсыз қызметтер Орталық Азия елдерінен келген шетелдіктерге көрсетілген. Жалған құжаттар арқылы оларға қажет тіркеу рәсімдері рәсімделген, бұл қолданыстағы заңнамаға қайшы”, – делінген ведомство хабарламасында.
Қазір аталған дерек бойынша сотқа дейінгі тергеу басталды. Іс жалған құжат жасау, оларды өткізу және пайдалану баптары бойынша тіркелген.
"Дипломынан айырылғалы отыр": Алматыда әскерге күштеп әкеткен студенттің анасы президенттен араша сұрады
Жанаттың айтуынша, ұлы Қазақ ұлттық аграрлық зерттеу университетінің күндізгі бөлімде мемлекеттік грант негізінде білім алып жүрген
Мамандар шәйнектегі қақ пен су сапасының байланысын түсіндірді: Шөгінділерге алаңдамауға кеңес берілді
Тау өзендерінен алынған су тұтынушыларға жеткізілгенге дейін 10-15 сағат тазартудан өтеді