Түркістан облысында қаржы пирамидасын құрған 6 адам ұсталды
Түркістан облысының тәртіп сақшылары қаржы пирамидасын құрды және басқарды деген күдікпен 6 адамның ұсталғаны туралы хабарлады деп жазады Ішкі істер министрлігінің Polisia.kz порталына сілтеме жасап Stan.kz ақпарат агенттігі.
Полицияның мәліметінше, жүздеген қазақстандық бұл қаржы пирамидасына ақша салған. Полицияға облыстың Жетісай, Мақтаарал және Шардара аудандарының 317 тұрғыны шағым түсірді. Іс ҚР Қылмыстық кодексінің 217-бабы бойынша тергелуде.
Жәбірленушілер аудандық полиция бекеттерінің жанына жиналып жатыр деген ақпарат бар. Полиция олармен түсіндірме әңгімелер жүргізеді, прокуратура да қосылды.
Еске салайық, бір күн бұрын Украинаның Қауіпсіздік қызметі Украина, Ресей және Қазақстан аумағында жұмыс істейтін ірі қаржылық пирамидалардың бірінің қызметін әшкереледі. Жақында ғана қаржы пирамидасын ұйымдастырды деп айыпталушылар Минскіден Қазақстанға экстрадицияланды.
"Тарифтер өсіп, мобильді аударымдарға бақылау күшейеді": 1 сәуірден бастап Қазақстанда не өзгереді
Сәуір айында болатын өзгерістерге шолу жасадық
Полиция бастығының қызы Олжас Сүлейменовтің немересін қалай қағып өлтірді: Қазақстандағы тағы бір атышулы жол апатын еске түсірейік
Үйленуді жоспарлап жүрген Ескендір Сүлейменов 26 жасында өмірден өтті