Төреғали Төреәлі өзін таныған тұрғынға 50 мың теңге сыйлады
Танымал әнші Төреғали Төреәлі көшеге қайыршыға ұқсап шығып, халықтан ақша сұрады. Бұл туралы Stan.kz ақпарат агенттігі хабарлайды.
Фото: https://www.instagram.com/toregalitoreali?
Айта кетейік, өнер иесі Арбатта ән айтқанда халық танымаған еді.
“Мейірімді жандарды іздейміз. Қайыршы болып, халықтан ақша сұраймын. Кім маған ақша береді мен соған 50 мың теңге беремін”, – деді эстрада жұлдызы.
-
"Бейберекет түкіре бермеңіздер": Төреғали Төреәлі қазақтың ырым-тыйымдарына қатысты пікір білдірді
-
"Маған тиісе бермесін": Төреғали Төреәлі Ішкі істер министріне ескерту жасады
Алайда қайыршы кейпіндегі әншіні танымаған жұрт көпке дейін оған мән бермеді. Бір қыз ғана “1000 теңгем ғана бар” деп қолына ұстатты. Өнер иесі ризалығын білдіріп, бейтаныс арудан “Таныдыңыз ба?” деп сұрады.
“Актерсыз ба? Еркебұлан Дайыровқа ұқсайды екенсіз. Сіздер камераға түсіріп тұрсыздар ма? Төреғали сияқтысыз. Дәл таптым. Төреғали Төреәлі. Мен сізге емес, қарындастарыңызға жазылғанмын”, – деп жауап берді.
Әнші сөзінде тұрып, қалтасынан 50 мың теңгені шығарып, сыйлап жіберді.
“Мейірімді жандар бар екен. Маған тіркелгеніңізде 20 мың тағы беретін едім”, – деп алғысын айтты әнші.