Су тасқынынан зардап шеккен қазақстандықтарға үйлерін қалпына келтіру үшін 22 миллион теңгеден бөлінеді
Өнеркәсіп және құрылыс министрі Қанат Шарлапаев су тасқынынан үйлерi зақымданған қазақстандықтарға көмек көрсету үшiн мемлекет бюджетінен қанша теңге бөлiнетiнiн айтты. Бұл туралы Stan.kz ақпарат агенттігі хабарлайды.
Фото: gov.kz
Министр ведомствоның су тасқынынан зардап шеккендер туралы мәліметтерді әлі де жинап жатқанын жеткізді. Су басқан үйлердің нақты саны әзірге белгісіз. Алайда Шарлапаев оларды қалпына келтіруге республикалық бюджеттен 22 миллион теңге бөлінетінін айтты.
"Бұл бір бөлмелі пәтердің құны. Бір шаршы метрі 281 мың теңге болады. Жөндеуді қажет ететін үйлердің нақты саны белгісіз", - деді ол.
Айта кетейік, өтемақы көлеміне халық наразылығын білдірді. Олар бұл қаржының барлық шығынды өтемейтінін, өйткені су тасқынынан мал мен басқа да шаруашылықтар зардап шеккенін жеткізді.
Айта кетейік, бұған дейін Қазақстандық банктер су тасқынынан зардап шеккен қарыз алушыларға 2024 жылдың 1 сәуірінен 30 маусымына дейін төлеуді кейінге қалдыруды ұсынғаны туралы жазған едік.