WhatsApp 1 қазаннан бастап қазақстандықтардан хабарламалар үшін ақы ала бастайды
1 қазаннан бастап WhatsApp бизнес-аккаунттарға қатысты ережелерді өзгертеді. Енді компаниялар WA Business Platform арқылы клиенттерге жіберетін хабарламалары үшін ақы төлеуге мәжбүр болады. Бұл туралы Stan.kz ақпарат агенттігі хабарлайды.
Қазақстанда тариф шамамен 0,018 долларды, яғни әр хабарлама үшін шамамен 8 теңгені құрайды. Бұл ретте әр бизнес-нөмірге ай сайын 1000 тегін хабарлама беріледі.
Осы шектен кейін компаниялар келесі хабарламалар үшін ақы төлей бастайды. Мысалы, компания бір айда осындай 10 мың хабарлама жіберсе, оның 9 мыңы үшін ақы төлеуі қажет. Бұл шамамен 162 долларды немесе 72 мың теңгені құрайды.
Бұл ретте клиенттер хабарламалар үшін ақы төлемейді. Өзгерістер WhatsApp Business Platform платформасын, сондай-ақ автоматты хабарламалар, CRM, чат-боттар және басқа да қызметтерді пайдаланатын кәсіпкерлерге қатысты.
Қарапайым WhatsApp және API интеграциясы жоқ стандартты WhatsApp Business те жаңа тарифке жатпайды.
Еске салсақ, бұған дейін WhatsApp 8 қыркүйектен бастап кей смартфондарда жұмысын тоқтатқаны туралы жазған едік.
