ШҚО-да ер адам ертіп кеткен бала өлі күйінде табылды
Шығыс Қазақстан облысында 29 тамызда жоғалып кеткен 7 жасар баланың өлі денесі табылды. Баланың денесінде зорлық іздері болды.
Күдікті ұсталып, уақытша қамауға алынды, деп хабарлайды Stan.kz ақпарат агенттігі облыстық полиция департаментінің Instagram-дағы ресми парақшасына сілтеме жасап.
Алтай ауданындағы Зубовск ауылының баласы 29 тамызда велосипед тебуге аулаға шыққан. Алайда содан кейін ол үйіне оралмады. Ата-анасы ұлын іздей бастады, бірақ нәтиже болмады. Содан кейін олар құқық қорғау органдарына көмекке жүгінген. Іздеуге полиция қызметкерлері, еріктілер және қамқор адамдар қатысты.
Баланың денесі Зубовск маңында табылды. Полиция 20 жастағы жергілікті тұрғынды ұстады, бала онымен бірге соңғы рет бірге болған. Іс «Адам өлтіру» бабы бойынша тергелуде. Күдіктінің қылмысты мойындағаны атап өтіледі. Ол уақытша ұстау изоляторына қамалды.
Қазіргі уақытта барлық жағдайлар анықталып жатыр.
Еске салайық, баланы Зубовскіде бұрын тұрған таныс жігіт ертіп кеткен. Бала онымен бірге белгісіз бағытта кетіп қалды. Ата-аналар полиция қызметкерлеріне жүгінгеннен кейін дабыл қағылды. Көпшілігі жоғалған адамды іздеуге қосылды.