"Ол 34 жаста, соған қарамастан, басқарушы ретінде жақсы тәжірибесі бар, соңғы рет "Ертіс" әлеуметтік-кәсіпкерлік корпорациясын басқарды. Ол әлеуметтік маңызы бар өнімдердің құнын бақылау және шағын және орта бизнесті қолдауға тікелей қатысы бар компания. Бізде жас басқарушылар шығып жатқанына қуаныштымын. Әсіресе Глубокое ауданында жақсы команда қалыптасты", – деді Ахметов.

Жуырда ғана ауданның бұрынғы әкімі Тамара Рахымжанова пара алып сотталған орынбасарының кесірінен отставкаға кетуге мәжбүр болды.

Тумашинов жайлы жаңалық шыға салысымен, желі қолданушылары оны сын астына алды. Әкесі облыстық мәслихаттың депутаты болса, 34 жаста "жақсы команданы" басқару ешкімге де қиын еместігін атап өтті.

Тағы да туысқандар: Василий Скляр Павлодар облысы полиция департаментінің басшысы болды

"Тоқаев туысқандық-рулық байланыстарды жою туралы айтып еді, Ахметов президенттің сөзін мұқият тыңдамаған сияқты", – деп жазды желі қолданушыларының бірі.

ШҚО мәслихат депутаты Лукбек Тумашинов "ОблШығысЖол" ЖШС құрылтайшыларының бірі.

"ОблШығысЖол" ЖШС-нің негізгі қызметтеріне - автомобиль жолдарын, халықаралық және республикалық маңызы бар ортақ қолданыстағы аймақтарды ұстау, құрылыс, қайта құру, жөндеу, ақылы қозғалысты ұйымдастыру жұмыстары кіреді.

“ОблШығысЖол" ЖШС облыстық маңызы бар барлық жолдарды ұстауға арналған байқауда жеңімпаз атанған. ШҚО-да мұндай жолдардың жалпы саны – 53, ұзындығы 3197 километрге созылған. Аталған ұйым қазір Бұқтырма су қоймасы арқылы көпір салып жатыр.

Талқылау