Шымкентте кәріз шұңқырына құлап кеткен 6 жасар баланың өліміне байланысты әкім қызметінен кетті
Шымкентте кәріз суына құлап қаза тапқан 6 жасар бала өлімінен кейін бітқатар шенеунік қызметінен кетіп, сөгіс алды. Бұл туралы Stan.kz ақпарат агенттігі хабарлайды.
Шымкент әкімінің орынбасары Сәрсен Құранбектің мәліметінше, мәселе қазіргі қала әкімі Ғабит Сыздықбеков қызметіне кіріспей тұрып болған. Осылайша бір жыл бойы беті ашық жатқан шұңқырды енді бір айда қалпына келтірмек.
"Аудан әкімін қызметтен босаттық. Ол үш жылдан бері Қаратау ауданын басқарып келген Рақымберді Мүлкеманов. Басқарма басшысына қатаң сөгіс жарияланды. Сондай-ақ осы салаға жетекшілік ететін қала әкімінің орынбасары Қуаныш Асыловқа да сөгіс жарияланды", – дейді қала әкімінің орынбасары Сәрсен Құранбек.
Еске салсақ, бұған дейін Шымкенттегі Тұран шағын ауданында 6 жасар бала ашық жатқан кәріз шұңқырына құлап, ажал құшқан еді. Қазір бұл іске қатысты тергеу жүргізіліп жатыр.
Талқылау
"Бір бие, бір жабағыдан бастадық": 40 жылдан бері жылқы баптап жүрген отбасы қымызмұрындықтың мәнін түсіндірді
Қастерлі Жолдыбалина бала күніндегі қымызмұрындықтың қазіргі мерекеден өзгеше болғанын айтады
"Халыққа құрметсіздік танытты": Танымал қазақстандық бренд "Борат" образын қолданғаны үшін сынға қалды
"Борат" Қазақстан қоғамы үшін бұрыннан даулы әрі сезімтал тақырып