Шымкентте ер адам қыз алып қашқаны үшін 12 жылға сотталу алдында тұр
Шымкентте қызды алып кешу дерегі бойынша ер адам ұсталды. Бұл туралы Stan.kz ақпарат агенттігі хабарлайды.
Фото: gov.kz
Шымкент прокуратурасының мәліметінше, 2024 жылдың 16 қаңтарында қаладағы полициясының кезекші бөліміне М.А. есімді азаматша қызын үйлену мақсатында белгісіз ер азаматтың ұрлап кеткені туралы хабарлаған.
"Аталған факт бойынша Қазақстан Республикасының қылмыстық кодекснің 125-бабы 2-бөлігі 1) тармағының негізінде ("Адамды ұрлау") соталды тергеп-тексеру басталды. Іс барысында Маңғыстау облысының "Г" есімді тұрғыны ұсталып, екі айға қамауға алынды. Тергеп-тексеру кезінде барлық мән-жай анықталады", – делінген Шымкент прокуратурасының хабарламасында.
-
"Қызды ұрып-соғып, алып қашты": Шымкент полициясы желідегі видеоға қатысты пікір білдірді
- Ақтөбеде күйеу жігіт бойжеткенді 5-қабаттан кранмен "алып қашты" (видео)
Мұндай қылмысты жасағаны үшін кінәлілердің мүлкі тәркіленіп, оларға қатысты жетi жылдан он екi жылға дейiнгi мерзiмге бас бостандығынан айыру жазасы қолданылуы мүмкін.
"Қазақстан Республикасы Қылмыстық процестік кодексінің 201-бабының талаптарына сәйкес басқа ақпарат жарияланбайды", –деді прокуратураның баспасөз қызметі.