"Кінәлілер қатаң жазаланады": Қорғаныс министрі Каспийдегі қайғылы жағдай туралы мәлімдеме жасады

Қорғаныс министрі Дәурен Қосанов қаза болған сарбаздардың отбасына қайғыра көңіл айтып, жауапкершіліктен жалтармайтынын мәлімдеді. Бұл туралы Stan.kz ақпарат агенттігі хабарлайды.

Ол қоғамның көтеріп отырған мәселелері мен талаптарына, қайғының ауырлығына түсіністікпен қарайтынын жеткізді.

"Оқиғаға кінәлілер жауаптан жалтармайды. Біз қаза тапқандардың отбасыларымен тұрақты байланыстамыз және оларға барлық қажетті көмек пен қолдау көрсетіп жатырмыз", – деп мәлімдеді Дәурен Қосанов.

2026 жылдың мамырына қарай Хайрушевтің лауазымы өсті. Қорғаныс министрлігі оны Әскери-теңіз күштері бас қолбасшысының бірінші орынбасары қызметіне тағайындалғанын мәлімдеген. Сол айда Данияр Хайрушев Бауыржан Момышұлы атындағы II дәрежелі "Айбын" орденімен марапатталды. Қорғаныс министрлігінің хабарлауынша, награда әскерлердің жоғары жауынгерлік дайындығын сақтағаны және қызметтік қызметтегі жетістіктері үшін берілген.

24 қыркүйек күні сағат 22:30-да Қазақстан Республикасы Премьер-Министрінің орынбасары Қанат Бозымбаевтың төрағалығымен Маңғыстау облысындағы әскери оқу-жаттығу кезінде әскери қызметкерлердің қаза болуына байланысты құрылған Үкіметтік комиссияның отырысы өтті.

Отырыста тергеу аясында ведомствоаралық жедел-тергеу тобы құрылғаны, тергеу және жедел-іздестіру іс-шараларының кешені жүргізіліп жатқаны, сондай-ақ мамандар тартылып, қажетті сот сараптамалары тағайындалғаны айтылды.

Қайғылы оқиғаға байланысты Қазақстан Президенті Қасым-Жомарт Тоқаев 25 қыркүйекті жалпыұлттық аза тұту күні деп жариялады.