Шавкат Рахмонов UFC-де төртінші рет жеңіске жетті
Қазақстандық боксшы Шавкат Рахмонов UFC турниріндегі кезекті жекпе-жегінде жеңіске жетті, деп хабарлайды Stan.kz ақпарат агенттігі.
Рахмонов Лас-Вегаста америкалық Нил Магнимен жұдырықтасты. Қазақстандық спортшы жекпе-жектің екінші раундының соңында қарсыласын тұншықтыру арқылы жеңді. Қарсыластар жартылай орта салмақ дәрежесінде күш сынаған болатын.
Рахмонов бірінші раундта қарсыласына көп соққы жасап, физикалық жағынан да өзінің әлдеқайда мықты екенін көрсетті.
Екінші бес минуттық кезеңде Рахмонов күш жағынан басымдық танытып, қарсыласына еш мүмкіндік қалдырмады. Нәтижесінде раундтың аяқталуына үш секунд қалғанда ол Магниді тұншықтырып, жеңіске жетті.
Рахмонов осымен UFC-де төртінші жеңіске жетті.
Қазақстандық мұғалімдер жұмыстан тыс уақытта түнгі рейдке шығуға әлі де мәжбүр екенін айтты: Оқу-ағарту министрлігі не дейді
Мұндай істі міндеттесе мектеп басшылығына 86 500 теңге мөлшерінде айыппұл салынады
Түркістандық көпбалалы ана үйіне келіп жәрдемақыдан бас тартуды талап еткендерге шағымданды
Әсел: "Сөйте тұра маған “сіз А категориясындағы отбасына жатасыз" деді"