Сәкен Майғазиев: “Құдайға да жақсы адам керек” деген сөзді айтпаңыздар
Құдайға да жақсы адам керек! Өмірден ерте озған адам туралы қазақ әдетте осылай айтады. Алайда бұл пікірге Сәкен Майғазиев түбегейлі қарсы. Айтуынша, жақсы адамды қажет етсе, Алланың өзі-ақ жаратып алады. Бұл ретте әнші қате пікірдің кесірінен көп жасағандардың қаһарына ұшыраудан сақтандырды, деп жазады Stan.kz.
“Кейде сөйлейтін сөзіміздің мағынасына мән бермей, байыбына бармай жатып жаза (айта) салатынымыз бар (өзімде де). Фәниден бақиға бір кісі көшсе, “Құдайға да жақсы адам керек” дей саламыз. Бұл бейпіл сөзді сөздік қорымыздан (лексиконымыздан) алып тастауға, тіпті ұмытуға үндеймін.
Біріншіден, АЛЛА тағала адамға (жақсы адамға) мұқтаж емес. АЛЛА – Әс-Самад! Өйткені бүкіл тіршілік иесін (мақлұқатты) АЛЛА өзі жаратты. Яғни біз қателесіп айтып жүргендей жақсы адам керек болса өзі-ақ жаратып алуына құдіреті жетуші – Әл-Халиқ.
Екіншіден, күлкілі болса да айтайын, 90, 100-ге келген кісілер жаман болғандығынан жүр ме, сонда? Сондықтан, АЛЛАның ашуын келтіретін сөздерден абай болып, көп жасағандардан айқай естіп жүрмейік, жақсылар”, – деп ашынды Сәкен.
Жіберіп алмаңыз:
Нұрболат Абдуллин: Той – әншілердің айлық алатын жұмыс орны
Мейрамбек Бесбаев: Алтынбек Қоразбаевтың арқасында аяғымнан ешкім шалған емес
Нұрмағанбетова: Қайырымдылықтан пайда көргісі келетін, ұйымдастырушыларды алдап кететін әншілер көп