Роза Рымбаева отбасылық өмірі жайлы: Гаражда қос-қос мәшине, гаухар тасты әшекейлерім болған жоқ
Роза Рымбаева күйеуі тірі кезде бір ғана жалақыға күн көргенін айтты. Алайда соған қарамастан, Халық артисі материалдық жағынан таршылық көрмедім, дейді. Бұл туралы ол Esquire.kz басылымына берген сұхбатында айтқан, деп хабарлайды Stan.kz.
“Күйеуімді кездестіргенге дейін мен әлі бала едім. Яғни бір жігітпен кездесіп, кейін басқасына ауысу, ақырында болашақ жарыңды кездестіру деген нәрсе болған жоқ. Ол – менің алғашқы және негізгі махаббатым. Мен автоматты түрде есейіп кеттім. Жастық шақтағы махаббаттың не екенін ұғынып үлгермедім. Биге, киноға бару деген бізде болған жоқ”, – деген Роза Қуанышқызы мұндай қызықтарды отбасылық өмірде көргенін ашып айтты.
Бұдан бөлек, Халық артисі материалдық таршылық көрмегенін атап өтті. Алайда ел қатарлы бір ғана жалақыға күн көргенін жасырмады.
“Құдайға шүкір, сүйікті жұмысымыз, пәтеріміз болды. Екеуміз үйленгенде үш бөлмелі пәтерге ие болдық. Сондықтан тұрмыстық не болмаса материалдық қиыншылық болған емес. Көп ақша таптық деп те айта алмаймын. Ең бастысы – сахнада жүргенімізге, концертімізге халықтың көп жиналатынына бақытты едік”, – дейді ол.
“Үйдегі тұрмыстық жағдайымыз бірқалыпты болды. Бірақ енді артық гаухар тас не болмаса гаражда бірнеше мәшине деген болған жоқ”, – деп сөзін жалғады Роза Қуанышқызы.
Тағы оқыңыз:
Сәкен Майғазив елуге дейін ел демографиясына үлес қоспақ
Әбдіжаппар Әлқожа: Мен Қайрат сияқты әйелімді, балаларымды елге әшкере қылмаймын
“Қазақстан” арнасы Меруерт Түсіпбаеваның әнін эфирден қиып тастаған: Әнші пікір білдірді