Қырғызстанда екі қазақстандық жалған доллар сатқаны үшін сотталды

Қазақстан азаматтары Бішкекте жергілікті тұрғындарды тарта отырып, жалған доллар сатумен айналысқан. Олар Қырғызстанда 5 жылға сотталды. Бұл туралы Stan.kz ақпарат агенттігі Kaktus.media порталына сілтеме жасап хабарлайды.

Тергеу нұсқасына сәйкес, Қазақстан азаматтары Е. мен Ж. 2023 жылдың желтоқсанында Бішкекте төрт жергілікті тұрғынға 100 долларлық купюралар түрінде 70 мың жалған доллар берген. Олар бұл ақшаны банктер мен айырбастау пункттерінде аз-аздан шынайы ақшаға ауыстырған. Жалған купюралардың бір бөлігі осылайша айналымға түскен.

Алайда бұл заңсыз әрекет құқық қорғау органдарының назарынан тыс қалмаған. Нәтижесінде барлық қатысушылар ұсталып, сотқа берілді.

Оқыңыз

"Ақшаны алмаймын": 5 жылға сотталған шымкенттік журналиске пара ұсынған сәттің видеосы пайда болды Оқыңыз

 Первомай аудандық сотының үкімімен Қазақстан азаматы Е. "алдын ала сөз байласу арқылы, ірі көлемде ақша және бағалы қағаздарды қолдан жасау" бабы бойынша кінәлі деп танылып, 5 жылға жалпы режимдегі түзету колониясына бас бостандығынан айырылды.

Оның отандасы Ж. да дәл осы бап бойынша кінәлі деп танылып, 5 жылға жалпы режимдегі колонияға сотталды.