Өзбекстан азаматы қазақстандық полицейлерінің оны қорлап, құлдыққа сатқанын мәлімдеді (видео)
Өзбекстан азаматы Вадим Хамраев Жетісу облысының полицейлерінің ұрып-соғып, оны құлдыққа сатқанын мәлімдеді. Ол президент Қасым-Жомарт Тоқаевқа бейнежазба жолдап, көмек сұрады, деп хабарлайды Stan.kz ақпарат агенттігі.
Әлеуметтік желілерде шетелдік азаматтың Қаратал ауданының учаскелік поилцейлері оны ұрып-соғып, ақша бопсалап, содан кейін оны фермаға құлдыққа алты қой мен 200 мың теңгеге сатқанын айтқаны туралы бейнежазба тарады.
"Әйелім мен қайын атама мені жер аударып кетті деп айтқан, бірақ мен фазендада болдым. Кеше қашып кеттім. Екі балам бар. Мен шаршадым, ол жерде мен бәрін істеймін, пеш жағамын, көкөніс бақтарын қазамын. Олар мені күн сайын қорлап, бопсалайды, өлтіремін деп қорқытады. Маған осы қиын жағдайдан шығуға көмектесіңізші. Сізден өтініп сұраймын, құрметті президент", – деді ер адам.
Дәлел ретінде ол денесіндегі тыртықтарын көрсетті.
Жетісу облысының ПД баспасөз қызметінде бейнежазбада ақпаратқа түсініктеме берілді.
"Аталған факті бойынша ҚР ҚК 362-бабының 4-бөлімінде "Билікті немесе лауазымдық өкілеттіктерді асыра пайдалану" деп көзделген қылмыстық іс қозғалғанын хабарлаймыз. Сотқа дейінгі тергеу қауіпсіздік басқармасының бақылауында. 38 жастағы шетел азаматы анықталып, одан жауап алынды. Іс бойынша тергеуді облыстық полиция департаментінің басшылығы ерекше бақылауға алды", – делінген ведомствоның хабарламасында.