Соңғы жаңалықтар
Соңғы жаңалықтар

Орталық-Азия Электроэнергетикалық корпорациясының иелері Екібастұз тұрғындарының шығынын өтейді – Сауда министрі

Премьер-министрдің орынбасары, сауда және интеграция министрі Серік Жұманғарин Екібастұз тұрғындарына келтірілген шығындарды Орталық-Азия Электроэнергетикалық корпорациясының иелері төлейтінін мәлімдеді, деп хабарлайды Stan.kz ақпарат агенттігі. 

Клебанов пен Кан

Сергей Кан мен Алексей Клебанов

Жұманғарин Екібастұздағы жағдай бойынша ақпарат толығымен ұсынылатынын айтты. 

"Баспасөз нон-стоп режимінде жұмыс істеу туралы тапсырма бердім. Жасыратын ештеңе жоқ. Жағдай тұрақталып келеді. Орталық-Азия Электроэнергетикалық корпорациясының иесі тұрғындардың барлық материалдық шығындарын өтейді", – деп жазды ол әлеуметтік желідегі парақшасында. 

Министрдің сөзінше, жылу желісіндегі су аққандықтан жылу-электр орталығында қазанагрегат тоқтап қалған. 

"Қазір жылу температурасы 689 көпқабатты, 5 672 жеке тұрғын үй, өзге 1 205 нысан ауыстырылды. Жылу желісі қатып қалмауы үшін 149 көпқабатты және 114 жеке тұрғын үйде, 15 әлеуметтік нысанда жылыту желілері босатылды. Екі тәулік бойы су аққан жерді іздедік. Кеше ғана табылды. Қазір жылу беру 132 көпқабатты, 114 жеке үйде және 13 әлеуметтік нысанда қалпына келтірілді", – деді министр. 

Айта кетейік, Орталық-Азия Электроэнергетикалық корпорациясының үш еншілес компаниясы бар: "СевКазЭнерго", "Павлодарэнерго", "Астана-РЭК". 

2021 жылдың соңында акциялардың 47,1%-на Александр Клебанов пен Сергей Кан иелік етеді. Бұдан бөлек "Байтерек" Ұлттық басқару холдингі" АҚ мен “KIF ENERGY S.A.R.L.” компаниялары акциялардың 4,35%-на, "Baiterek Venture Fund" АҚ 1,45%-ға иелік етеді. 

Талқылау