Оралда шенеунік мүмкіндігі шектеулі жандардан пара талап еткен
Оралда шенеунік әйел мүгедектікті тағайындау және ұзарту үшін бірнеше рет 20 000 теңгеден 100 000 теңгеге дейін пара алған. Оған емхана маманы делдалдық жасап, көмектескен, деп хабарлайды Stan.kz ақпарат агенттігі “Мой город” порталына сілтеме жасап.
Орал қалалық сотында Батыс Қазақстан облысы бойынша Еңбек және халықты әлеуметтік қорғау департаментінің медициналық-әлеуметтік сараптама бөлімінің басшысы 60 жастағы Бақытжамал Беккужинаға және No2 емхананың 57 жастағы невропатологы Римма Телбаева қатысты үкім жарияланды. Олар пара алу мен пара алуда делдалдық жасады деп айыпталды.
Іс материалдарында белгілі болғандай, Бақытжамал Беккужина мүгедектерді тексеру және қайта куәландыру арқылы мүгедектікті тағайындау және ұзарту үшін бірнеше рет 20 мыңнан 100 мың теңгеге дейін пара алған. Әйел Шейерман-Мау ауруы (омыртқаның қисаюы бар патология), Паркинсон ауруы, омыртқа остеохондрозы, ми тамырларының нақты зақымдануы, туа біткен гидроцефалия, церебральды инфаркт сияқты диагнозы бар мүгедектерден ақша талап еткен. Барлығы бір миллион теңгеге 12 эпизод дәлелденді. Бұл іске невропатолог Римма Телбаева делдал болған.
-
Шымкентте есірткі затын түзеу мекемесіне кіргізбек болған ер адам 7 жылға бас бостандығынан айырылды
Сот барысында Беккужинаның өзі кінәсін толық мойындады, бірақ куәлік беруден бас тартты. Римма Телбаева, керісінше, куәгерлердің үшеуі оның емделушілері екенін айтып, қайта тексерусіз мүгедектігін анықтауға көмектесуін сұрап жүгінген жеткізді. Ол үш адамға көмектесуге уәде беріп, бұл үшін "алғыс ретінде" 100 000 теңге қажет екенін айтқан. Осылайша олардың әрқайсысы жұмысқа конвертке салынған 100 мың теңгеден әкелген. Үш жағдайда да ол WhatsApp желісі арқылы әріптесі Беккужинаға хабарласып отырған. Хабарламада пациенттің жеке деректері және үшінші топқа тіркеу қажет екендігі көрсетілген.
Сот үкімімен Бақытжамал Беккужина Қазақстан РҚ қылмыстық кодексінің 366-бабы "Пара алу" бойынша қылмыс жасағаны үшін кінәлі деп танылып, оған параның 60 еселенген мөлшері 60 миллион теңге айыппұл салынды. Сот үкім шығару кезінде шын өкінгенін, жасын, денсаулық жағдайын, асырауындағы 17 жастағы қызын оң анықтамасы мен соттылығының жоқтығын ескерді.
Римма Телбаева да Қазақстан Республикасы Қылмыстық кодексінің 368-бабы "Пара алудағы делдалдық" бойынша кінәлі деп танылып, оған алты миллион теңге көлемінде параның 30 еселенген мөлшерінің 2/3 бөлігі көлемінде айыппұл салынды. Сот оның шын жүректен өкінуін, оң анықтамасын, соттылығының жоқтығын және кінәсін мойындағанын ескерді.
Сот әйелдерді бас бостандығынан айырмай, өмір бойына мемлекеттік қызметте қызмет атқаруға тыйым салды. Соттың үкімі заңды күшіне енген жоқ және оған шағым жасауға болады.