Орал қаласы әкімінің орынбасарына 648 мың теңге айыппұл салынды
Орал қаласы әкімінің орынбасарына бәсекелестікті қорғау заңнамасын бұзғаны үшін 648 мың теңге айыппұл салынды. Бұл туралы Stan.kz ақпарат агенттігі хабарлайды.
Батыс Қазақстан облысы Орал қаласы прокуратурасының талдауы нәтижесінде жергілікті атқарушы органның бәсекелестікті қорғау заңнамасын бұзғаны анықталған.
"Орал қаласы әкімдігінің Тұрғын үй-коммуналдық шаруашылық, жолаушылар көлігі және автомобиль жолдары бөлімі жобалау ұйымдарымен жобалау-сметалық құжаттаманы өтеусіз негізде әзірлеу туралы меморандум жасап, кейін аталған жобаларды бюджет қаражаты есебінен іске асыруға ұласқан бәсекелестікке қарсы әрекеттерге жол берілгені анықталды", - делінген ақпаратта.
Заң бұзушылықтарға жол берген Орал қаласы әкімінің орынбасарына әкімшілік кодекстің 163-бабының 1-бөлігімен 648 мың теңге айыппұл салынған. Айыппұл толық көлемде өндірілді.
Прокуратура бәсекелестікті қорғау туралы заңнаманы бұзу жауапкершілікке әкеп соқтыратынын атап өтті.
Еске салсақ, бұған дейін қазақстандық шенеуніктердің желідегі жазбаларына қатысты ескерту жасалғаны туралы жазған едік.
"Ішімді екі қолымен қатты басты": Қазақстандық әйел босану кезінде дәрігерлерді салғырттық танытты деп айыптады
Нәресте 21 күн реанимацияда жатып, бірнеше рет наркоз алған
"Қайда жұмыс істейсіз, қанша жалақы аласыз": Қазақстандық ата-аналар мектептердің жеке мәліметтерді сұрауына наразы
Мектептер өткізетін сауалнамалар легі ата-аналар тарапынан түрлі сауал туғызып жатқан көрінеді