Олжас Бектенов су тасқынынан келген шығынды бағалауды апта соңына дейін аяқтауды тапсырды
Премьер-министр Олжас Бектенов су тасқынынан зардап шеккендерге келтірілген шығынды бағалауды осы аптаның соңына дейін аяқтауды тапсырды. Бұл туралы Stan.kz ақпарат агенттігі хабарлайды.
Фото: Primeminister.kz
Үкімет отырысында сөйлеген премьер-министрдің орынбасары Қанат Бозымбаев қазіргі уақытта республика бойынша су тасқыны салдарынан шамамен 12 155 үй, сонымен қатар 18 321 саяжай зардап шеккенін, оның ішінде 5 353 ғимарат зардап шеккендерге арналған жалғыз баспана екенін айтты.
“28 мамырдағы жағдай бойынша 15 093 тұрғын үй мен саяжайдың тек 11 134-і тексерілген. Құрылыс маусымының қысқа екенін ескере отырып, әкімдердің назарын аударғым келеді. Жұмыс кешіктірілмей, оқу жылының басына дейін зардап шеккендерге баспана берілуі керек”, – деді Қанат Бозымбаев.
Премьер-министр Олжас Бектенов өз кезегінде Қанат Бозымбаевқа су тасқынынан келген шығын бойынша жұмысты қатаң бақылауда ұстауды және аптаның соңына дейін залалды бағалауды аяқтауды тапсырды.
“Әкімдіктерге индустрия және құрылыс министрлігімен бірлесіп, осы аптаның соңына дейін азаматтардың тұрғын үйлері мен мүлкіне келтірілген залалды бағалауды аяқтауды тапсырамын мақсатты түрде және түсіністікпен жұмыс мүмкіндігінше тезірек жүргізілуі керек”, – деп тапсырды министрлер кабинетінің басшысы.
Еске салайық, бұған дейін малынан айырылған құлсарылықтарға 120 миллион теңгеден астам өтемақы төленгенін жаздық.