Күзетшілер мән бермеген: Нұр-Сұлтан тұрғыны "Қазпошта" қоймасынан сәлемдеме ұрлаған
Нұр-Сұлтан қаласының полицейлері "Қазпошта" қоймасынан сәлемдеме ұрлаған күдіктіні ұстады, деп хабарлайды Stan.kz ақпарат агенттігі елорданың полиция департаментінің баспасөз қызметіне сілтеме жасап.
Нұр-Сұлтан қаласы полиция департаментінің Сарыарқа аудандық полиция басқармасына "Қазпошта" АҚ қоймасынан сәлемдеме ұрланғаны туралы хабарлама келіп түсті. Жедел-іздестіру шараларын жүргізу барысында қылмыс жасаған күдікті анықталып, ұсталды. Ол бұрын сотталған 27 жастағы елорда тұрғыны болып шықты. Ол қойма аумағына бірнеше рет кіргенін түсіндірді, бірақ күзетшілер оған назар аудармаған екен. Ұрлық жасамақ болған ол қойма бөлмесіне кедергісіз кіріп, үш пакетті алып шыққан.
Ол екі тауарды тығып, үшінші "Toyota Camry" автомашинасының қосалқы бөлшектері салынған қорапты бейтаныс адамға сатқан.
Табылған сәлемдемелер "Қазпоштаға" қайтарылды. Аталған факті бойынша ҚР ҚК "ұрлық" бабы бойынша сотқа дейінгі тергеу жүргізілуде.
"Әскерден келген соң үйленеміз деп еді": Каспийде қаза тапқан сарбаздардың жақындары жанайқайын жеткізді
Жанардың айтуынша, отбасы Олжасты қуанышпен күтіп отырған
"Алдымен үйленейік, кейін Сирияға барайық": Бейтаныс адамдар әлеуметтік желі арқылы қазақстандықтарды қалай арбайды
Әлеуметтік желіде ер адамға Сирияға барып соғысуды ұсынған