Сотталушының анасы ұлының бұлай жасағанына сенбейді. Петропавлдағы шағын аудандардың біріндегі жеке үйде өрт шығып, жас әйел, бір жасар қыз бен төрт жасар бала қаза тапты. Өрттен аман қалған ер адам өзінің өрт кезінде ұйықтап жатқанын, оянғанда сүйіктісі мен балаларына көмектеспек болғанын, олардың ес-түссіз жатқанын көрген соң терезені сындырып, қашып үлгергенін айтқан. Көршілері жігіттің не істерін білмей жылағанын алға тартады. Алайда бір айдан кейін отағасы кісі өлтірді деген күдікпен ұсталды.

Сот отырысында прокурор Роза Жолаушинова істің мән-жайын айтып берді. 2023 жылдың 25 қыркүйегінде кешке сотталушы анасының үйіне келді. Жұмыстан кейін ер адам демалмақ болады.

"Сағат 19.00 шамасында балалар қатты ойнап, оны оятып жібереді. Күдікті балаларға ұрысқан. Сол сәтті әйел балаларды жақтаған. Осылайша жанжал басталып, балалар жылай бастаған. К жанжал кезінде әйелін итеріп жіберді, ал кішкентай қызы анасына жүгіріп барған. Ер адам қызды қолына алып, баланы үйдің верандасына қарай лақтырып жіберген", – деді өз сөзінде Роза Жолаушыова.

Айыптаушы тараптың айтуынша, қыз бала ауыр жарақат алып, сол жерде көз жұмды. Айыптау қорытындысында қыздың анасының полицияға хабарлаймын деп қорқытқан кезде ер адам оны тұншықтырып өлтіргені айтылған. Ер адам інісін де осылай өлтірген көрінеді.

Айыптау қорытындысына сәйкес, сотталушы балаларды көрпеге орап, верандаға шығарып, өртеп жіберген. Өрт басталған кезде сотталушы көршілерін көмекке шақырып, дәліздегі терезені сындырып, көшеге шығып кеткен, сол арқылы өзі өрт құрбаны болғанын дәлелдеп берген.

Төтенше жағдайлар қызметінің қызметкерлері келіп, өртті сөндірді және әйел мен екі баланың мәйітін тапты.

Прокурор Роза Жолаушинова атап өткендей, сараптамалар 21 жастағы әйелдің өрт пен көмірқышқыл газына уланып, қайтыс болғанын көрсетеді. Күдіктінің інісі өртке дейін көз жұмған. Бір жасар қызға келсек, сарапшылар баланың бас сүйектерінің сынуы мен қан кету түріндегі ауыр бас ми жарақатын алғанын, бұл жарақаттар өліміне себеп болуы мүмкін екенін анықтады.

Сотталушы өмір бойына бас бостандығынан айырылуы мүмкін. Оның өзі тағылған айыптардың ешқайсысы бойынша өз кінәсін мойындамайды, оның пікірінше, тергеушінің өзіне жеке араздық тудырғанын атап өтті. Сотта жәбірленуші, қайтыс болған төрт жасар баланың анасы жауап берді. Әйел үлкен ұлының кінәсіне сенбейді және тағылған айыпты негізсіз әрі қисынсыз деп санайды.

”Ол әйелі мен қызын қатты жақсы көретін. Жақында ресми түрде үйленейін деп жүрген еді. Жатақхана жалдап, өз беттерімен өмір сүргіміз келеді деп айтатын. Шыбынға да зияны жоқ, ол өтірген болуы мүмкін емес”, – дейді әйел.

Еске салсақ, бұған дейін Түркістан қаласының жалдамалы пәтерлерінің бірінен екі жас баланың денесі табылғаны туралы жазған едік. Қос бүлдіршінді өлтірді деген күдікке ілінген балалардың анасы Шымкентте ұсталған.

Талқылау