Билік феминистерге 8 наурызда Алматыда шеру өткізуге тағы да рұқсат бермеді
8 наурыз күні шеру ұйымдастыруды әдетке айналдырғандар Алматы әкімдігі әйелдер құқығын қорғау акциясын биыл үшінші рет өткізуге рұқсат бермегенін мәлімдеді. Бұл туралы Stan.kz ақпарат агенттігі хабарлайды.
Белсенділердің айтуынша, билік "белгіленген тақырып бойынша бейбіт жиналыстар кезінде қоғамдық тәртіпті бұзу қаупі" туралы заңға сілтеп, рұқсат етпеген.
Осы тұжырыммен әкімдік феминистерге 8 наурызда және одан ертерек – 2023 жылдың көктемінде және өткен жылдың соңында шеру өткізуге рұқсат беруден бас тартқан.
Белсенділер әкімдікке тағы да өтініш беретінін айтады.
- "Бір-екі шапалақ": Желіде әйелдерді ұрып-соғуды қолдайтынын айтқан ер адамның пікірі талқыға түсті
- "Қазақстанда әйелдің құқығы тапталмайды": Алматыда феминистерге қарсы митинг өтті
Еске салайық, 2023 жылдың 8 наурызында Алматыдағы Ганди саябағында кем дегенде 500 адам қатысқан феминистік митинг өтті. Шараға Алматы әкімдігі рұқсат берген. Бастапқыда феминистер 2022 жылғыдай шеру ұйымдастырмақ болды. Алайда билік бұған рұқсат бермеген.
2022 жылдың желтоқсанында Алматы әкімдігі белсенділерге 8 наурызда әйелдер шеруін өткізуге рұқсат бермеген. Қазақстанда 2017 жылдан бері 8 наурызда әйелдер құқығы үшін шерулер мен митингілер өтіп келеді.