Энергетика вице-министрі қызметінен кетті
Энергетика вице-министрі Жандос Нұрмағанбетов қызметінен кетті. Бұл жөнінде Stan.kz ақпарат агенттігі хабарлайды.
Нұрмағанбетов басшылықпен жанжалдасып қалғаны үшін жұмыстан шығып кетті деген қауесет тарады. Осыған қатысты министрлік түсініктеме берді.
"Энергетика вице-министрі Жандос Нұрмағамбетов 15 қараша мен 15 желтоқсан аралығында еңбек демалысына шығып, басқа жұмысқа ауысуына байланысты кейін жұмыстан босатылды.
Вице-министр мен ведомство басшылығының арасындағы кикілжің туралы желіде таралып жатқан ақпарат шындыққа сәйкес келмейді", – деді энергетика министрлігі.
Жандос Нұрмағанбетов 2021 жылдың 13 желтоқсанында энергетика вице-министрі болды.
1981 жылы Жамбыл облысында дүниеге келген. Бөкетов атындағы Қарағанды мемлекеттік университетін, Халықаралық бизнес университетін, Қорқыт Ата атындағы Қызылорда мемлекеттік университетін, ҚМЭБИ-ді бітірген.
Еңбек жолын 2003 жылы жеке құрылымдарда бастады.
- 2005-2010 жылдары - "Қызылорда аймақтық электр энергетикасы компаниясы" АҚ бас директоры.
- 2011-2013 жылдары - Қызылорда қаласы СПК ҰК АҚ басқарма төрағасы.
- 2013-2019 жылдар аралығында жеке компанияда жұмыс істеген.
- 2020 жылдан бастап қазіргі уақытқа дейін "KEGOC" АҚ стратегия және даму жөніндегі басқарушы директоры қызметін атқарды.

"Жеті жыл күттім": Алматылық жас жігіт 53 жастағы әйелдің жүрегін алғаннан кейін өмірі қалай өзгергенін айтты
