Стандартты нұсқа iPhone 15 пен Pro арасында бірқатар елеулі айырмашылықтар бар. Мәселен, iPhone 15 Pro-да кеңейтілген функциялардың жиынтығы жұмыс істейді. Атап атйқанда, ол жақсы технологиялы камерасымен, дисплейімен, жылдамырақ A17 процессорымен және т.б. қызметтерімен ерекшеленеді.

Экран

iPhone 15-те Dynamic Island кесіндісі бар. Ал өткен жылы iPhone 14 өзінің Pro нұсқасынан мұндай айырмашылықпен ерекшелене алмады.

iPhone-ның соңғы нұсқаларының екіеуінде де 2556x1179 пикселінде 6,1 дюймдік Super Retina XDR дисплейі орнатылған. Алайда Pro дисплейінде салыстырмалы түрде 10 Гц-тен 120 Гц-ке дейінгі жаңарту жиілігіндегі ProMotion технологиясы бар. Ал стандартты үлгідегі iPhone 15-те бұл 60 Гц.

ProMotion ойын ойнап, веб парақшаларға өткен кезде бейнелерді анық әрі шынайы етеді. Одан бөлек, егер сіз бұл функцияларды ашып қойып, қарамасаңыз, iPhone 15 Pro қуатты үнемдеу үшін жиілікті төмендетеді.

Сонымен қатар, iPhone 15 Pro әрқашан қосулы дисплейімен ерекшеленеді. Ол түнде немесе телефонды қалтаңызға салғанда ғана автоматты түрде өшеді. Ал экранда күнделікті көргіңіз келетін виджеттер мен хабарландыруларды өзіңіз таңдап қоюыңызға болады. Бұл қызмет iPhone 15-те жоқ.

Жақтау

iPhone 15 пен 15 Pro екеуі әртүрлі материалдардан жасалған. Мысалы iPhone 15-тің артқы жағында әйнектелген алюминий корпусы болса, iPhone 15 Pro-да күңгірт, айна емес болат жиектері бар титан корпусынан жасалған.

Өлшемдері

iPhone 15-тің салмағы 171 грамм. Ол сәл үлкенірек болғанымен, 187 грамдық iPhone 15 Pro-дан жеңіл. Дегенмен, iPhone 15 Pro-да үшінші камера болғандықтан салмағы көбірек. Оның ультра жұқа жақтаулары бар және iPhone 15-пен салыстырғанда ені мен биіктігі бірнеше миллиметрге жіңішке.

Әрекет ету батырмасы

15 Pro-ның революциялық ерекшелігі – құрылғының бүйірлік панеліндегі дыбыс қосқышының орнына әрекет ету батырмасы орнатылған. Мұнымен сіз дыбысты өшіріп, қосудан бөлек, ұзақ басып тұру арқылы өзіңізге қажетті функцияға жылдам қол жеткізе аласыз.

Мысалы, экран құлпын ашпай-ақ камераны, шамды қосу, дауыстық жазбаларды жазу, қолданбаны іске қосу және т.б. функцияларды осы батырмамен конфигурациялауға болады.

Камера

iPhone 15-тің артында екі камера болса, iPhone 15 Pro-да үш камера бар. Әрбір модельде 48 МП кең бұрышты объектив және 12 МП ультра кең линза орналасқан.

iPhone 15 Pro сонымен қатар алыстан жақсы түсіру үшін 3x оптикалық масштабтауы бар 12 мегапиксельді телефото объективін қосты.

Портреттік сурет түсіру үшін енді камераны сол режимге қойып басқару қажет емес. Себебі iPhone 15 кадрдағы адамды немесе үй жануарын анықтаған кезде автоматты түрде айқындап түсіреді.
Керемет жаңартудың арқасында енді бұрын түсірілген фотосуреттерге бұлыңғырлау әсерін қоса отырып, портрет режиміне айналдыруға болады. Ал iPhone 15 Pro тіпті қараңғыда да анық портреттік фотосуреттер жасауға мүмкіндік береді.

Чип

iPhone 15 смартфонының ішінде өткен жылғы модельдердегідей A16 Bionic чипі бар. Ал iPhone 15 Pro-да нарықтағы ең жылдам және жетілдірілген A17 Pro чипі орнатылған.

Оның қуаты компьютердің қуатына тең және дәл осы Pro нұсқасына деректерді жылдам тасымалдауға, ойындарда шынайылықты қамтамасыз етуге және әдетте тек үйдегі компьютерлерде немесе ойын консольдерінде қолдау көрсетілетін ең озық ойын графикасын "тартуға" мүмкіндік береді.

USB-C

Осы жылы барлық iPhone үлгілеріндегі ең күттірген өзгеріс Lightning зарядтау портынан әмбебап USB-C зарядтау портына көшу болды. Енді оларға сыртқы 4K мониторын қосып, тіпті iPhone құрылғысынан AirPods Pro 2 мен Apple Watch құрылғысын қуаттауға болады.

Одан бөлек, iPhone 15 Pro коннекторы USB 3.0-ге қолдау көрсетеді. Оның артықшылықтары мынадай:

деректерді беру жылдамдығы 10 Гбит/с дейін. Бұл USB 2-ге қарағанда 20 есе жылдам. Яғни iPhone Pro-ны керемет жылдамдықпен қуатталады;
iPhone жадын толтырмас үшін сыртқы дискіні қосу және ProRes бейнесін 4K форматында тікелей жазу мүмкіндігі бар.

Бұл форматтағы бейнелер өте ауыр, бірақ енді сіз оларды жылдам тасымалдай аласыз және интернеттің нашарлығына байланысты процесс үзіледі деп алаңдамайсыз.

Жад

Екі модель де 128 ГБ, 256 ГБ және 512 ГБ сыйымдылықтары қолжетімді. Ал iPhone 15 Pro-да 1 ТБ нұсқасы да ұсынылады.

Түстер

Көптеген адамдар үшін смартфонның түсі сатып алу кезінде шешуші фактор болып табылады.
iPhone 15 өте түрлі-түсті нұсқаларда қолжетімді: оны қызғылт, сары, жасыл, көк немесе қара түстерде сатып алуға болады.

Ал iPhone 15 Pro барынша ұстамды реңдерде шығарылды. Оларға қара титан, ақ титан, көк титан және табиғи титан түстері кіреді.

Осымен модельдерді салыстырып көрдік, енді таңдау сіздікі.

Қай iPhone нұсқасын қаласаңыз да, қазірден бастап Қазақстандағы Apple ресми реселлерiнен алдын ала тапсырыс бере аласыз. Оларға iSpace, Sulpak, Mechta, Technodom, activ, Freedom Mobile, Evrika, Fora, Beeline және DNS дүкендері кіреді.

Смартфондардың Қазақстандағы ресми сатылымы 20 қазанда басталады. Ал жаңа iPhone 15 пен Apple-дің түпнұсқа қаптарына 50% жеңілдікті тек 22 қазанға дейін trade-in бағдарламасы арқылы 31 990 теңгеден бөліп төлеуге рәсімдей аласыз. Дәл осы бағдарламамен iPhone 15 Pro мен Apple түпнұсқа қаптарына 30% жеңілдікпен 39 990 теңгеден бөліп төлеуге тапсырыс берсеңіз болады.

Жарнама құқығында

Талқылау