Нағыз жекпе-жек болады деп ойладым: Головкин Мартиросянмен жекпе-жегіне қатысты пікір білдірді
Бірнеше нұсқа бойынша орта салмақ дәрежесіндегі әлем чемпионы Геннадий Головкин америкалық қарсыласы Ванес Мартиросянды екінші раундта нокаутқа жіберіп, жеңіске жеткеніне қатысты пікір білдірді.
Бұл туралы Sports.kz-ке сілтеме жасап Stan.kz хабарлайды.
«Мен өзімді тамаша сезінемін. Мен қайтып оралдым. Қазақстандық достарыма және қолдау білдіргендерге алғыс білдірмен. Ванес – керемет боксшы. Ол маған бірнеше тамаша соққы жасады. Бірінші раундта бұл нағыз жекпе-жек болады деп ойладым. Алайда екінші раундта жекпе-жек аяқталды.
Бұл Синко де Майодағыларға үлкен сыйлық. Мен кез-келген боксшымен жұдырықтасуға дайынмын. Егер «Канело» дайын болса, мен де дайынмен. Менің чемпион болғаныма 9 жыл болды. Егер қаласаңыздар, маған келіп, белбеулерімді алуға тырысып көріңіздер», – дейді Головкин жекпе-жектен кейін.
Оқи отырыңыз:
Головкин қарсыласын жеңіп, әлемдік бокс бойынша тарихи рекорд орнатты
Головкин Мартиросянмен жекпе-жек алдында түскен суреттерін жариялады (фото)
Жеңіліп көрмеген қазақстандық боксшы Головкин-Мартиросян жекпе-жегінің андеркардында жеңіске жетті