“Меломен” тобының әншілері жол апатына ұшырады
Әншілер 7 ақпанда таңғы сағат 04.00 шамасында Алматы қаласында әл-Фараби даңғылының бойымен Lexus көлігімен Алма-арасан шатқалына көтеріліп бара жатып, жол-көлік апатына ұшыраған.
Бұл туралы Baistars.kz сайты хабарлайды.
Тізгінде Жігер Ауыпбаев болған. Ол рұқсат етілген жерден солға қарай бұрылыс жасаған сәтте арт жақтан қатты жылдамдықпен Nissan маркалы жол талғамайтын көлік соққан. Қатты соққыдан Жігер Ауыпбаев жүргізіп келе жатқан көлік бір аунап, шетке ұшып түскен. Абырой болғанда, топтағы үш жігітке зақым келмеді. Ал тізгінде отырған Жігер орнынан қозғала алмай қалған.
Оқиға орнына жеткен жедел жәрдем қызметкерлері Жігерді қалалық №12 ауруханаға алып кетті. Қазіргі таңда Жігер ем қабылдап жатыр. Айта кетейік, 10 ақпан күні “Меломен” тобы және Жігер Ауыпбаев өзі басты ролді сомдаған “72 сағатта үйлену” фильмінің тұсаукесеріне қатысу керек болған.
Павлодарды "біздікі" деген ресейлік стример Fassoollka жауапқа тартыла ма? Заңгер түсіндірді
Ресейлік стример Fassoollka-ға мемлекет неге үнсіз және оны қандай жаза күтіп тұр?
Қазақстандық сызылған пауэрбанкіне байланысты ұшаққа отыру кезінде қиындыққа тап болды
Әуежай өкілі: "Құрылғының бұған дейін әуе көлігімен бірнеше рет тасымалдануы қауіпсіз екеніне кепілдік бермейді"