Мектеп оқушысы мемлекеттік емтихан тапсыру кезінде көз жұмды
Ресейде мектеп оқушысы мемлекеттік емтихан тапсыру кезінде көз жұмды, деп хабарлайды Stan.kz ақпарат агенттігі.
Ресейдің Моздок қаласында мектеп оқушысы негізгі мемлекеттік емтихан тапсыру кезінде кенеттен бақилық болды.
Mash Telegram-арнасының хабарлауынша, қыз өте жақсы оқыған және 11-сыныптан кейін университетке түспекші болған, ол өзінің оқу үлгеріміне алаңдаған.
24 мамырда таңертең жасөспірім орыс тілінен емтихан тапсыруы керек еді. Ол қатты қобалжып, ауырып қалған. Мұғалімдер алғашқы көмек көрсетуге тырысқан, дәрігерлерді шақырған. Оқушы ауруханаға барар жолда көз жұмды.
Кейінірек өлімге қыздың өз құсығына тұншығуы себеп болғаны хабарланды.
Қыз қайта-қайта құсып, тұншығып қалған.
Денсаулық сақтау министрлігі бұған дейін хабарланған инфаркт туралы нұсқаны жоққа шығарды. Соған қарамастан, мектеп оқушысының жүрегі тексеріледі, ол үшін гистологиялық сараптама тағайындалады.