Мәжіліс депутаты Дания Еспаева: Әйел зорлағандарға кастрация жасау керек

Мәжіліс депутаты Дания Еспаева әйел зорлағандарға кастрация жасау керек екенін айтты, деп хабарлайды Stan.kz ақпарат агенттігі КТК арнасына сілтеме жасап. 

Белгілі мәжілісмен Дания Еспаева "Тұлпар-тальго" пойызында болған оқиғадан кейін заңға өзгеріс енгізуді сұраған. Ашуға булыққан депутат әйел адамды зорлағандарды аз мерзімде бас бостандығынан айырғанына ызаланды. Ол зорлықшыларға қатаң жаза қолдануды сұраған. 

"Депутат және әйел ретінде заң жүзінде зорлаудың кез келген түрін ауыр қылмыстардың қатарына жатқызуды, осылайша айып мерзімін ұзартып, мерзімнен бұрын шартты босату мүмкіндігінен айыруды сұраймын. Мұндай қылмысқа қатысты сот ісінде адамгершілік қағидалары қарастырылмауы тиіс. Мен және фракция бойынша менің әріптестерім тиісті заңға осындай түзетулер дайындаймы", - дейді депутат Дания Еспаева.

Екі жол серіктің ауыр жазадан құтылып кеткеніне наразылық танытқан депутат, бұл мәселені бей-жай қалдырмайтынын айтты. Ол заңға түзету дайындайтынын жеткізген.