Қынадан сақ болыңыз: Татуировка жасатқан қыздың ата-анасы жұртқа жан айқайын жеткізді
Жасөсіпірім қыз Мысырдағы демалыс кезінде қолына қынадан татуировка жасатқан. Ұлыбританияға оралғаннан кейін Мэдисон Гуливер қолының қыши бастағанын айтып, ата-анасына шағымданған-ды.
Бұл туралы ағылшын басылымы Metro-ға сілтеме жасап Stan.kz хабарлайды.
Бұдан кейін қыздың қолындағы татуировка жараға айналып, ауыра бастаған. Жасөспірім амалсыздан хирургтардың көмегіне жүгініп, жарасын кескізген. Енді оның қолында мәңгілікке тыртық қалып қалды.
Мына суреттерден жараның бетін алып тастау барысында қыздың жылап жатқанын көруге болады.
Сорақысы сол, ата-анасы қара қынаның құрамында парафенилендиамин токсинді химикатының барын білмепті.
Негізінде улы химикаттың бұл түрі көптеген өнімдердің құрамында, атап айтсақ, күннен қорғайтып иісмай, шашқа арналған бояудың құрамында аз мөлшерде болады.
Уайт аралында тұратын Royal Mail менеджері Мартин жасөспірім денесінің мәңгілікке зақымдалған болуы мүмкін екенін айтты.
«Татуировка қонақ үй салонында жасалды. Енді қыздың денесіндегі жараға қарап, ата-анасы оның қынадан жасалғанына күмән келтіріп отыр. Себебі саусағынан шынтағына дейін жалғасатын тату орнына қайта келмейтін жараға айналған, ал қыз қатты ауырсынып жатыр», – деп атап өтті қыздың әкесі.
«Біз қынаның қауіптілігі жөнінде білмедік. Жалпы оны жасайтын адамдар бұл туралы ескертулері керек деп ойлаймын. Бір жағынан білместіктен жасағандықтан, біздің де кінәміз бар шығар. Алайда балаларға қауіпті химикат қолданатындарын олар ескертулері қажет. Бұл туралы басқа да турист ата-аналар білсе дейміз», – дейді Мартин.
Мартин әйелі Сильвиямен, ұлы Себастьян және қызы Мэдисонмен бірге демалысқа аттанғанын айтып берді. Айтуынша, екінші аптаға дейін барлығы да ойдағыдай өтіп жатқан. Балалары тәртіпті болғандықтан, қамқор әке оларға сый ретінде татуировка жасатуға рұқсат берген екен.
Себастьян денесінің қышып кеткенін бірден айтқандықтан, оның қолына салынған сурет бірден өшірілген.
«Біз қонақ үйге болған жайтты электронды пошта арқылы жеткіздік. Алайда олар қына құрамында ешқандай да улы заттың жоқтығын алға тартып, бар мәселе менің қызымда деп отыр», – дейді Мартин.
Бұдан өзге, ата-анасы ешқандай да өтемақы талап етпейтіндерін жеткізген. Олар бар болғаны Мэдисонның тезірек сауығып кеткенін әрі өзгелердің бұл туралы хабардар болғанын қалайды.
Бұдан кейін қонақ үй кешірім сұрап, алдағы уақытта татуировка салумен айналыспайтындарын айтқан.
Жіберіп алмаңыз:
65 жыл отасқан жұп эвтаназия қабылдап бір сәтте көз жұмды
Жас жігіт өзін мазақ еткен жеткіншектен кек алу үшін оның анасымен төсектес болды
Ұл қалаған ата-ана жаңа туған қызын тікенді қуысқа тастай салған (фото)