AAPL
138.93 $
1.62 %
TSLA
681.79 $
1.24 %
NDAQ
155.59 $
2 %
GOOGL
2174.75 $
-0.21 %
FRHC
44.39 $
0.09 %
AAPL
138.93 $
1.62 %
TSLA
681.79 $
1.24 %
NDAQ
155.59 $
2 %
GOOGL
2174.75 $
-0.21 %
FRHC
44.39 $
0.09 %
Соңғы жаңалықтар
Соңғы жаңалықтар

"Құлақ, тоқылдақ деп мазақ қылған": Жамбыл облысында әскерде қаза тапқан сарбаздың анасы әділдік іздеуде

Жамбыл облысында әскери борышын өтеп жүріп, қаза тапқан Ұлықбек Бердішевтің анасы әділдік іздеп жүр. Ол біздің арнамызға хабарласты. Айтуынша,  әскери бөлімшеге барғанына небәрі 11 күн болған Ұлықбектің аяқ астынан жоғалып кетуі, кейін оның өлі күйде табылуы тегін емес. Оның артында ауқымды мәселе бар дейді, деп хабарлайды Stan.kz ақпарат агенттігі “Астана” арнасына сілтеме жасап.

Ұлттық қауіпсіздік комитеті  Шекара қызметінің қатардағы жауынгері Бердішев шаруа жұмысы кезінде жоғалып кеткен. 19 жастағы жігіт жартаста өз белдігіне асулы күйінде 39 күннен кейін табылды. 

Ресми нұсқа бойынша, курсанттың өліміне механикалық асфиксия себеп болған. Денесіне жарақат ізі болмағаны да хабарланған. Ал Ұлықбектің анасы Орынкүл баласы өзіне-өзі қол салды дегенге сенбейді. Бұған біреулердің қатысы болуы мүмкін дейді.  Себебі, алғашқыда мамандар оның денесінде жарақаттар болғанын айтқан.  

“Арқасында әйдік гематомма болды дейді баламның, ішіндегі экспертиза адамның айтқаны, денесінде жарақаты бар. Сосын аяғы сынған баланың сосын военныйлар келіп еді сразу өзгеріп шыға келді. Денесінде ешқандай жарақат жоқ деп”, – дейді Ұлықбектің анасы Орынкүл Мерекова.

Орынкүл баласын "қашқын" дегенге де келіспейтінін айтады. Қашып кеткен күннің өзінде, оған бір себеп болғаны анық дейді.    

"Құлақ" дей ма, "тоқылдақ" деп мазақ қылады екен баламды. Сөйтіп мазақ қылған. Сосын солдат балалардан сұрасам жанындағы жақсы бала еді. Ешкімге тиіспейді жұмсаған жеріне бара береді. Алып кел, шауып кел дегенге ешқандай бір сөз қайтармайды,  жүгіріп кететін бала еді жақсы бала дейді”, –дейді сарбаздың анасы.

Сондай-ақ, Ұлықбек ақша сұрауды да жиілеткенін айтады. Енді азамат болды дегенде ұлынан қапыда айрылып қалған Орынкүл енді шырылдап, әділдік іздеп жүр. Бірақ, оған ешкім құлақ аспай отырған көрінеді. Құзырлыларға біз де хабарластық, бірақ олар қазір тергеу жүріп жатқанын ғана айтты. Сондықтан әзір ешқандай ақпарат бере алмайтындарын жеткізді. Ал  қайғыдан қан жұтқан ана кінәлілер өз жазасын алсын дейді.  

Соңғы кезде мұндай жағдай тіпті жиілеп кетті. Бұған депутаттар да алаңдаулы.  Бақытбек Смағұлдың айтуынша, егер бұл қайталана берсе, арты жақсылыққа апармайды. Әскердегі әлімжеттікті түбірімен жою керек. Командирлер мен офицерлер  әр іске қатысты  жауап беруі тиіс дейді.

“Тек қана бұрынғы ескі сарынмен емес, депутаттар болсын, азаматтық қоғамнан болсын араласу керек. Бұл -індет. Індетті емдеу-міндет. Біздің алдымызда парыз бен міндет тұр. Ол отанымыз үшін керек. Жалынды жауынгерлердің, ат жалын тартып мінген әрбір бозбаланың қорғаймын деген азаматтардың болашағына балта шаппау керек”, – дейді парлемент мәжілісінің депутаты Бақытбек Смағұлов.

Жауаптылардың берген мәліметінше, жыл сайын шамамен  30 мыңнан астам жас әскерге  шақырылады. Алайда, азаматтық борышын өтеуден қашатындар да көп. Оларға арнайы  жаза көзделген. Бірақ, сарапшылар әскердегі әлімжеттік - талай жастың өмірін құртады дейді, мұны тыймаса, әскерге  баратындар тіпті азаятынын  айтады.

Талқылау
Пікір
Қазір оқып жатыр
Қазір оқып жатыр