Коронавирустың Латын Америкалық жаңа штаммы пайда болды
Дүниежүзілік денсаулық сақтау ұйымы Латын Америкасынан табылған “Лямбда" атауын алған коронавирустың жаңа түрін зерттеп жатыр, деп хабарлайды Stan.kz ақпарат агенттігі “Синьхуаға” басылымына сілтеме жасап.
ДДҰ сарапшылары оның қарапайым вирусқа қарағанда жұқпалы екенін айтты. Мамандар вирустың бұл түрі адамның иммундық жүйесіне үлкен қауіп төндіретінін алға тартуда. Алайда әзірге бұл мәселе бойынша нақты қорытынды жоқ. “Лямбда” Латын Америкасында кең таралуда.
Коронавирустың мутацияға ұшыраған бұл түрі алғаш рет Перуде 2020 жылдың тамызында анықталды. Перу билігінің айтуынша, елде вирус жұқтырғандардың 81 пайызында “лямбда” вирусы анықталды.
Чилиде жаңа штамм соңғы 60 күнде тіркелген жағдайлардың 32 пайызында анықталды. Бұл штамм Бразилияда алғашқы таралған гамма-штаммынан кейінгі екінші орынды алып отыр. Басқа елдер, соның ішінде Аргентина мен Эквадор да жаңа штамның таралуы жоғарылағанын хабарлады.
Екі күнде үш рет төтенше жағдайда қонды: Авиация сарапшысы қыс мезгілінде ұшудың қаншалық қауіпті екенін айтты
Абыл Кекілбаев төтенше қонулар авиакомпанияларға тек ерекше жағдайда ғана жасалатынын айтты
Алматылықтар арасында маска мен мұрын фильтрі танымал бола бастады: Лас ауадан қорғайтын құралдар шынымен тиімді ме
Масканың көмегі болуы үшін оның FFP2 немесе N95 түрін таңдау керек