Коронавирус анықталған Қаскелең тұрғынының қайдан келгені белгілі болды
Алматы облысының Қаскелең қаласында коронавирустық инфекцияны жұқтырған алғашқы науқас 1986 жылы туған ер адам болды, деп хабарлайды Stan.kz ақпарат агенттігі.
"17 наурызда ол Стамбул - Бішкек рейсімен ұшып келді, 18 наурызда Бішкектен Алматы облысы Қарасай ауданының Қаскелең қаласына автокөлікпен шыққан. Қазіргі уақытта ол стационарда карантинде жатыр, денсаулық жағдайы қанағаттанарлық", - деді ДСМ-нің ресми өкілі Диас Ахметшәріп.
Бүгінгі таңда елімізде коронавирусты жұқтырудың 53 жағдайы расталды. Оның ішінде Нұр-Сұлтанда - 28 адам, Алматыда - 22 адам, Қарағандыда - екі науқас, Алматы облысында - бір оқиға.
Бұған дейін Нұр-Сұлтанда коронавирус жұқтырған 28 науқастың ішінде төрт айлық сәби бар екені хабарланды.
"Әскерден келген соң үйленеміз деп еді": Каспийде қаза тапқан сарбаздардың жақындары жанайқайын жеткізді
Жанардың айтуынша, отбасы Олжасты қуанышпен күтіп отырған
"Алдымен үйленейік, кейін Сирияға барайық": Бейтаныс адамдар әлеуметтік желі арқылы қазақстандықтарды қалай арбайды
Әлеуметтік желіде ер адамға Сирияға барып соғысуды ұсынған