“Көңілі қалған”: Сирияда террористік топта болған қазақстандық өз еркімен берілді

Ұлттық қауіпсіздік комитетінің қызметкерлері 2013 жылдан бастап Сирияда террористік топтар құрамында болған ҚР азаматын Түркиядан Қазақстанға жеткізді. Бұл туралы Stan.kz ақпарат агенттігі хабарлайды.

Оның радикалдық идеялардан көңілі қалғаны, өз еркімен террористік әрекеттен бас тартып, Түркияға өткені және отанына оралу үшін билік өкілдеріне берілуді шешкені белгілі.

“Өзінің әрекетімен ол басқа содырларға олардың одан әрі террористік белсенділік аймақтарында болудың келешегі жоқ екенін көрсетпек болды”, — делінген ҰҚК хабарламасында.

Қазақстанға келгеннен кейін ол қамауға алынды.

“Оған қатысты Қылмыстық кодекстің 257-бабы (террористік топ құру, оған басшылық ету және оның әрекетіне қатысу) бойынша қылмыстық іс тергеп-тексерілуде. Ерікті түрде берілу фактісі тергеу барысында ескерілетін болады”, — деді комитетте.