Қытайлық миллиардерге байларша өмір сүруге тыйым салды
Қытайлық сот HNA туристік және қаржы конгломератының басшысы Чен Фенгюға компаниясының қарызы болғандықтан, қымбат өмір сүруге тыйым салды, - деп хабарлайды Stan.kz ақпарат агенттігі South China Morning Post-қа сілтеме жасап.
Сот қаулысына сәйкес, қазір миллиардер күнделікті өмірде және жұмыста мұқтаж болатын заттарды сатып ала алмайды.
Кәсіпкер ұшақта ұшпауы және жүрдек пойыздарды пайдаланбауы керек. Сондай-ақ, оған жылжымайтын мүлік сатып алуға, қымбат жөндеу жұмыстарын жүргізуге, сәнді қонақүйлерге кіруге, клубтарға баруға және сәнді кеңселерді жалға алуға тыйым салынды.
Желіде әлемдегі ең жас миллиардер бойжеткеннің ұсқынсыз суреттері тарады
Шектеудің себебі - компанияның Jubaohui интернет-қаржы платформасы инвесторларының бірімен болған сот процесі қорытындысы бойынша наурыз айындағы сот бұйрығын бұзуы болды. Судьяның шешімі бойынша HNA инвесторға қарызды он күн ішінде пайыздармен төлеуі керек еді, бірақ төлемеген. Нәтижесінде, 2020 жылдың қыркүйегіне қарай компания 50 мың доллар қарызға кірген.
Компания қиын кезеңдерге тап болғаны атап өтілді. Осы жылдары HNA қымбат жылжымайтын мүлік сатып алды және Hilton, Deutsche Bank және Virgin Australia авиакомпаниясы сияқты компаниялардың үлестерін сатып алды. Басшылық несие арқылы сатып алулар жүргізді, нәтижесінде компанияның ондаған миллиард доллар қарызы болған.