Тоқаев Кәлетаевты Украинадағы Қазақстан елшісі қызметінен босатып, жаңа елші тағайындады

Қасым-Жомарт Тоқаев Дархан Кәлетаевты Қазақстанның Украинадағы төтенше және өкілетті елшісі қызметінен босатып, орнына Төлежан Барлыбаевты тағайындады. Бұл туралы Stan.kz ақпарат агенттігі хабарлайды. 

Фото: Gov.kz

“Мемлекет басшысының Жарлығымен Дархан Аманұлы Кәлетаев Қазақстан Республикасының Украинадағы Төтенше және Өкілетті Елшісі лауазымынан босатылды”, – делінген хабарламада. 

Украинадағы Қазақстанның төтенше және өкілетті елшісі болып Төлежан Барлыбаев тағайындалды. 

“Мемлекет басшысының жарлығымен Барлыбаев Төлежан Тұрсынұлы Қазақстан Республикасының Украинадағы төтенше және өкілетті елшісі лауазымына тағайындалды”, – делінген хабарламада. 

• Үндістандық студенттер Қазақстанда оқу үшін 12 миллион теңге төлеп алаяқтықтың құрбаны болды 

• Ресей үшін соғысқан қазақстандықтар Украинада тұтқынға түсті

Төлежан Барлыбаев: 

• СІМ халықаралық-құқықтық департаменті халықаралық шарттар басқармасының бастығы (2003);
• Польша Республикасындағы Қазақстан елшілігінің кеңесшісі (2003-2007);
• Президенті әкімшілігінің ЗТБ бас инспекторы (2007-2008);
• Президенті әкімшілігінің ЗТБ меңгерушісі (2008-2009);
• Президенті әкімшілігінің ОӘО меңгерушісінің орынбасары (2009-2012);
• Президент әкімшілігінің сыртқы саясат орталығының меңгерушісі (2012-2017);
• Қазақстанның Хорватия Республикасындағы Төтенше және өкілетті елшісі қызметтерін атқарған.