Қазақстандықтар жаңа мектеп оқулықтарының сапасын бағалай алады
Оқу-ағарту министрлігі азаматтардың жаңа мектеп оқулықтарын талқылауға қатысып, олардың сапасын бағалай алатынын мәлімдеді. Бұл туралы Stan.kz ақпарат агенттігі хабарлайды.
Фото: bangkokbook.ru
Оқу-ағарту министрлігінің Білім беру мазмұнын сараптау республикалық ғылыми-тәжірибелік орталығының хабарлауынша, 12 ақпаннан бастап жаңадан әзірленген оқулықтарды қоғамдық талқылау жүріп жатыр.
Қоғам мен ғылыми-педагогикалық қауымдастық өкілдері Talkylau.ebmso.edu.kz сайтында оқулықтардың мазмұнының сапасы, құрылымы, әдістемелік тәсілдері, баяндалу тілі мен безендірілуі туралы сындарлы пікірлерін бөлісе алады. Онда жаңадан әзірленген оқулықтар бар:
3-сыныпқа арналған "Еңбекке оқыту", "Бейнелеу өнері", "Орыс тілі" (орыс тілінде оқытатын мектептер үшін), шет тілдері (ағылшын, француз);
3, 9-11 сыныптар үшін "неміс тілі";
5-9-сыныптарға арналған "Жаһандық құзыреттер" оқулықтары қағаз нұсқада;
3-сыныпқа арналған "Цифрлық сауаттылық" пәнінен электронды оқулықтар.
"Қоғамдық талқылауға ғылыми-педагогикалық қоғамдастық өкілдері, әдіскерлер, ғалымдар, сондай-ақ оқулықтардың сапасына бей-жай қарамайтын қазақстандықтар қатысуға мүмкіндік алды. Ол үшін келесі қадамдарды орындау қажет: веб-порталда оқулықтардың жеке емес түпнұсқа макеттерімен танысыңыз және "пікір қосу" қойындысына оқулықтардың мазмұны мен құрылымына қатысты сын-пікірлерді, ұсыныстар мен бақылауларды жазып, жіберіңіз", – делінген хабарламада.
Айта кетейік, бұған дейін Қазақша курс ашқан өзге ұлт өкілдері тіл үйренушілерге ерекше әдістеме оқулық жазғысы келетіні туралы жазған едік.
Қаскелеңдегі атышулы құпия ит сою орны мен ет тасымалы: Істің 1 жылдан кейін тоқтатылғаны белгілі болды
