Қазақстандықтар қазан айында қанша күн демалады
Келесі айда қазақстандықтар бірнеше кәсіби мерекені атап өтеді. Бірақ ол күндерге демалыс берілмейді, деп хабарлайды Stan.kz ақпарат агенттігі.

Келесі айда мемлекеттік немесе ұлттық мейрамдар болмайды. Бес күндік жұмыс аптасы бар адамдар келесі айда 10 күн демалып, 21 күн жұмыс істесе, алты күн жұмыс істейтіндер бес-ақ күн демалады.
Қазан айында мемлекеттік немесе ұлттық мейрамдар болмайды. Алайда қазақстандықтар бірнеше кәсіби мерекені атап өтеді. Соның ішінде биыл алғаш рет бекітілген Радио күні бар.
- 1 қазан – Қарттар мен Радио күні;
- қазан айының алғашқы жексенбісі – Мұғалімдер күні;
- 6 қазан – Қорғаныс өнеркәсібі қызметкерлерінің күні;
- 10 қазан – Қазақстанның кәсіптік одақтар күні;
- 16 қазан – Нан күні;
- 19 қазан – Құтқарушылар күні;
- қазан айының үшінші жексенбісі – Орман шаруашылығы қызметкерлерінің күні;
- 29 қазан – Күзет ұйымдары қызметкерлерінің күні;
- қазан айының соңғы жексенбісі – Әлеуметтік қорғау жүйесі қызметкерлері күні.
Айта кетері, биыл жазда мемлекет басшысы Қасым-Жомарт Тоқаев БАҚ өкілдерін төл мейрамымен құттықтау кезінде радио қызметкерлерінің кәсіби мерекесі жоқ екеніне назар аударды.
Президент Қазақ радиосының 100 жылдығы аясында 1 қазанды Радио қызметкерлері күні деп ресми түрде бекітуді ұсынды. Тамыз айында үкімет қаулысымен Қазақстандағы мерекелік күндердің тізбесіне Радио күні енгізілді.
"Жүрек тұсынан электрошокермен ұрып өлтірген": ҚазҰУ жатақханасында қаза тапқан студенттің туыстары оқиға туралы айтып берді
Туысы мәйітхана қызметкерлері Дауылдың өліміне жүрек тұсына тиген қатты соққы себеп болғанын айтқанын жеткізді
13 жыл бұрын үздік атанған алты шенеуніктің бесеуі сотталып кетті: Бұған не әсер етті
Тізімнің алғашқы төрттігіне Қуандық Бишімбаев, Самат Әбіш, Марат Бекетаев пен Дәулет Ерғожин енген