Швейцария ҚР сыртқы істер және сауда және интеграция министрліктерімен тікелей байланысқа шықты. Оған дейін QazVac-ты тіркеу туралы тек Қырғызстан ұсыныс тастаған болатын.

"Швейцария өзі хабарласып, “Біз сіздерге тіркеуден өтуге көмектесетін боламыз. Вакцинаны Африкаға, Латын Америкасына жіберу мүмкіндігі болады" деді. Біз байланысқа шыққандармен жұмыс жасаймыз", – дейді Биологиялық қауіпсіздік проблемалары ғылыми-зерттеу институтының бас директоры Күнсұлу Закария.

Ол жақын арада Қазақстанда COVID-19 дельта штаммына қарсы вакцина өндірісінің басталатынын хабарлады.

"Шынында да, бүкіл әлемдік ғылыми қауымдастық коронавирустың “дельта штаммына” қарсы тиімді вакцинаны жасау үшін жұмыс жасауда. Сондай-ақ Sputnik V вакцинасы "дельта штаммына" қарсы тұра алатындай өзгертілді. Америка Құрама Штаттары да осы вирустық штамммен жұмыс жасауда. Шетелдіктердің біздің жұмыстарды қосқандағы барлық жұмыстары оқу, зерттеу деңгейінде”, – деп түсіндірді Закария.

Сондай-ақ Биологиялық қауіпсіздік проблемалары ғылыми-зерттеу институтының бас директоры Жамбыл облысына ДДСҰ комиссиясының өкілдері келетінін, олар QazVac шығаратын зауыттың жұмысымен танысатынын айтты.

"Олар тек GMP сертификатымен келеді. Басқаша айтқанда, олар өндірістік тәжірибе осы стандартқа қаншалықты сәйкес келетінін көргісі келеді. Біздің отандық вакцинаны ДДСҰ-да тіркеу үшін халықаралық сертификат қажет. Комиссия біздің зауыттың жұмысымен танысу үшін келеді. Олар зауыт жұмысымен танысып, бақылайтын болады. Осыдан кейін ғана тіркеудің нақты жоспары дайындалады", – деп қорытындылады Күнсұлу Закария.

Талқылау