Қазақстанда әуесқой аңшыларға ақбөкен аулауға қашаннан бастап рұқсат берілетіні белгілі болды

Экология және табиғи ресурстар министрі Ерлан Нысанбаев 1 қыркүйектен бастап Қазақстанда әуесқой аңшыларға ақбөкенді аулауға рұқсат берілетінін мәлімдеді. Бұл туралы Stan.kz ақпарат агенттігі хабарлайды. 

Фото: gov.kz

Сенат отырысында Нысанбаев биыл әуесқой аңшылықты енгізу жоспарланып отырғанын айтты.

"Биылдан бастап біз киіктерге арналған әуесқой спорттық аңшылықты ашуды жоспарлап отырмыз. Оны жұртшылықпен, аңшылық шаруашылықтармен белсенді түрде талқылап жатырмыз. Әдеттегідей, 1 қыркүйекте аңшылық басталады. Мамыр айында аңшылықтан кейін санақ жүргізіліп, жылдың ортасында нақты санын білетін боламыз. Соның негізінде саны анықталады", - деді министр.

Батыс Қазақстанда буаз ақбөкендерді атуға рұқсат берілді

Айта кетсек, жақында министр Қазақстанда ақбөкен атуға тағы да уақытша тыйым салынғанын айтқан еді. Сондай-ақ Қазақстанда ақбөкендерді спорттық және кәсіптік мақсатта аулауға рұқсат беру жоспарланып отыр.