Қазақстан президенті Владимир Зеленскиймен телефон арқылы сөйлесті
Қасым-Жомарт Тоқаев Украина бастамасымен Владимир Зеленскиймен телефон арқылы сөйлесті. Бұл туралы президент кеңесшісі Берік Уәли айтты, деп хабарлайды Stan.kz ақпарат агенттігі.
"Украина тарапының бастамасымен мемлекет басшысы Қасым-Жомарт Тоқаев президент Владимир Зеленскиймен телефон арқылы сөйлесті", – деді Берік Уәли.
Олар Украинадағы жағдайға қатысты өз ойларымен бөлісті.
Қасым-Жомарт Тоқаев Украинадағы жанжалды тоқтату мақсатында келіссөз жүргізудің маңызды екенін мәлімдеген. Сондай-ақ ел басшылары екі елдің гуманитарлық салада серіктес болуы жөнінде келіскен.
Айта кетейік, бұған дейін Тоқаев Путинмен телефон арқылы сөйлескен еді. Мемлекет басшылары екі елдің экономикалық жағдайы жөніндегі мәселелерді талқылады.
Талқылау